វិទ្យុជាតិកម្ពុជា កញ្ញា ខៀវ ណាវីន ថ្ងៃទី១៥ ខែមិថុនា ឆ្នាំ២០២១
បរទេស ៖ លោក Toshimitsu Motegi រដ្ឋមន្រ្តីក្រសួងការបរទេសជប៉ុនបាននិយាយនៅថ្ងៃអង្គារនេះថា ប្រទេសជប៉ុននឹងបញ្ជូនវ៉ាក់សាំងការពារកូវីដ-១៩ ចំនួនមួយលានដូស ទៅឱ្យប្រទេសវៀតណាម។ នេះបើយោងតាមការចេញផ្សាយដោយសារព័ត៌មាន Reuters នៅថ្ងៃអង្គារ ទី១៥ ខែមិថុនានេះ។
ការនាំចេញវ៉ាក់សាំង AstraZeneca PLC (AZN.L) ដែលបានផលិតនៅជប៉ុន នឹងទៅដល់ប្រទេសវៀតណាមនៅថ្ងៃពុធនេះ។ លោក Motegi បានបន្ថែមថាប្រទេសជប៉ុនកំពុងពិចារណាលើការបរិច្ចាគវ៉ាក់សាំងបន្ថែមទៀតដល់ប្រទេសវៀតណាមនិងកោះតៃវ៉ាន់ ហើយគ្រោងនឹងបញ្ជូនទៅប្រទេសឥណ្ឌូនេស៊ី ម៉ាឡេស៊ី ហ្វីលីពីននិងថៃនៅដើមខែក្រោយ។
សូមបញ្ជាក់ថា កោះតៃវ៉ាន់បានទទួលវ៉ាក់សាំង AstraZeneca របស់ជប៉ុនជាលើកដំបូងរបស់ខ្លួនកាល ពីដើមខែមិថុនានេះ៕
Comments