កូរ៉េខាងត្បូងជំរុញឱ្យធ្វើតេស្តបន្ថែមទៀតព្រោះខ្លាចថ្ងៃឈប់សម្រាកមានការរីករាលដាលនៃជំងឺកូវីដ-១៩

វិទ្យុជាតិកម្ពុជា កញ្ញា ខៀវ ណាវីន
អន្តរជាតិ ៖ អាជ្ញាធរកូរ៉េខាងត្បូងបានព្រមានប្រជាជនដែលត្រឡប់មកពីវិស្សមកាលវិញដើម្បីធ្វើតេស្តរកមេរោគកូវីដ- ១៩ មុនពេលចូលធ្វើការចំពេលមានការកើនឡើងនៃករណីឆ្លងវីរុសកូរ៉ូណាថ្មីនៅក្នុងនិងជុំវិញរដ្ឋធានី។ នេះបើយោងតាមការចេញផ្សាយដោយសារព័ត៌មាន CNA ចេញផ្សាយនៅថ្ងៃទី២៣ ខែកញ្ញា។ 
    អនុរដ្ឋមន្រ្តីក្រសួងសុខាភិ បាលលោក Kang Do-tae បាននិយាយកាលពីថ្ងៃពុធថាទីក្រុងសេអ៊ូលបានរកឃើញករណីដែលត្រូវបានបញ្ជាក់ជារៀងរាល់ថ្ងៃចំនួន ១,៤០០ ករណីជាមធ្យមកើនឡើង ១១ ភាគរយពីកម្រិតខ្ពស់បំផុត ១,២៦៨ កាលពីសប្តាហ៍មុន ។ 

       លោក Kang បានទទូចដល់អ្នកដែលវិលត្រឡប់មកពីឈប់សម្រាក ៣ ថ្ងៃដែលបានចាប់ផ្តើមកាលពីថ្ងៃចន្ទ ដើម្បីធ្វើតេស្តដើម្បីការពារការចម្លង ។ សមាគមទេសចរណ៍ជេជូបានប្រាប់រ៉យទ័រថា កោះទេសចរណ៍ជេជូដ៏ពេញនិយមរបស់ប្រទេសកូរ៉េខាងត្បូងមានអ្នក ទស្សនាជាមធ្យមជាង ៤១,០០០ នាក់ក្នុងមួយថ្ងៃក្នុងអំឡុងពេលថ្ងៃឈប់សម្រាកកើនឡើងពីប្រមាណ ៣២,០០០ នាក់ក្នុងរយៈ ពេលដូចគ្នាកាលពីឆ្នាំមុន។   មនុស្សជាង ២៥៨,០០០ នាក់ បានទៅលេងកោះនេះក្នុងរយៈពេល ៦ ថ្ងៃ។   ទីភ្នាក់ងារគ្រប់គ្រងនិងបង្ការជំងឺកូរ៉េ (KDCA) បានបង្ហាញថា ថ្វីបើមានករណីប្រចាំថ្ងៃខ្ពស់ក៏ដោយ អត្រាមរណភាពនិងករណីធ្ងន់ធ្ងរនៅតែមានកម្រិតទាបនិងមានស្ថិរភាពត្រឹម ០,៨៣ ភាគរយគឺ ៣១២ នាក់គិតត្រឹមថ្ងៃពុធនេះ។ KDCA បានរាយការ ណ៍ករណីថ្មីចំនួន ១,៧១៦ ករណីកាលពីថ្ងៃពុធដែលធ្វើឱ្យចំនួនសរុបកើនឡើងដល់ ២៩២,៦៩៩ នាក់៕