ម៉ឹង កុសល (២៤.០៨.២២)
រដ្ឋាភិបាលចិន បានសន្យាបន្តអភិវឌ្ឍកិច្ចសហប្រតិបត្តិការសេដ្ឋកិច្ចជាមួយកម្ពុជា ឱ្យកាន់តែខ្លាំងឡើង ជាពិសេសជំរុញការនាំទំនិញកសិកម្មកម្ពុជា ទៅកាន់ទីផ្សារចិន និងការបង្កើនការហោះហើរត្រង់មកកម្ពុជាផងដែរ។ ការលើក ឡើងបែបនេះ គឺបានធ្វើឡើងក្នុងជំនូបរវាងសម្ដេចអគ្គមហា សេនាបតីតេជោ ហ៊ុន សែន នាយករដ្ឋមន្ត្រីកម្ពុជា និងឯកឧត្តម លីវ ជានចាវ ( Liu Jianchao) រដ្ឋមន្ត្រីក្រសួងទំនាក់ទំនងអន្តរជាតិនៃគណៈកម្មការមជ្ឈឹមបក្សកុម្មុយនីស្តចិននៅព្រឹកថ្ងៃទី២៤ ខែសីហា ឆ្នាំ២០២២ ។
នៅក្នុងជំនូបនោះ ឯកឧត្តម លីវ ជានចាវ បានពាំនាំនូវការផ្ដាំផ្ញើសួរសុខទុក្ខពីឯកឧត្តមប្រធានាធិបតីចិនស៊ី ជីនពីង និងនាយករដ្ឋមន្ត្រី ឯកឧត្តម
លី កេជៀង ជូនសម្ដេចតេជោ ។
ឯកឧត្តម លីវ ជានចាវ មាន ប្រសាសន៍ថា «កាអភិវឌ្ឍសេដ្ឋកិច្ចបានបំពេញឱ្យសេចក្ដីត្រូវការរបស់ប្រជាជនកម្ពុជាក្នុងន័យនេះ ភាគីចិន និងបន្តអភិវឌ្ឍកិច្ចសហប្រតិ បត្តិការសេដ្ឋកិច្ច ជាមួយកម្ពុជា ឱ្យកាន់តែខ្លាំងឡើងជាពិសេសជំរុញការនាំទំនិញកសិកម្ម កសិផលកម្ពុជា ទៅ កាន់ទីផ្សារចិន និងមានការបង្កើនការហោះហើរត្រង់មកកម្ពុជា ការលើកទឹកចិត្តអ្នកវិនិយោគចិន មកកាន់កម្ពុជា និងជួយលើការអភិវឌ្ឍថាម ពលបៃតង»។
ឯកឧត្តម លីវ ជានចាវ មាន ប្រសាសន៍ថា រូបលោកធ្លាប់មកកម្ពុជានៅឆ្នាំ ២០០៤ រយៈពេល ១៨ ឆ្នាំមានការ ផ្លាស់ប្ដូរយ៉ាងខ្លាំង កម្ពុជាមានភាពស្រស់បំព្រងសេដ្ឋកិច្ចមានការលូតលាស់ ទីក្រុងមានការអភិវឌ្ឍ និងតួនាទីរបស់កម្ពុជា នៅលើឆាកអន្តរ ជាតិត្រូវបានទទួលស្គាល់ និងគោរព ទាំងនេះឯកឧត្តម
លីជាន ចាវ គោរពជូនសម្ដេចតេជោថា គឺឆ្លុះបញ្ចាំងនូវការដឹកនាំដ៏ត្រឹមត្រូវរបស់សម្ដេចតេជោ និងជាគំរូសម្រាប់ប្រទេសកំពុងអភិវឌ្ឍ។
ជាការឆ្លើយតបសម្ដេចតេជោ ហ៊ុន សែន នាយករដ្ឋមន្ត្រីកម្ពុជាមានប្រសាសន៍ថ្លែង អំណរគុណ ឯកឧត្តមលីវ ជានចាវ ចំពោះការវាយតម្លៃការអភិវឌ្ឍន៍របស់កម្ពុជារយៈពេល ១៨ ឆ្នាំកន្លងមកនេះ។ សម្ដេចតេជោយល់ ស្របថា ការអភិវឌ្ឋសេដ្ឋកិច្ចគឺបម្រើឱ្យសេចក្ដីត្រូវការរបស់ប្រជាជន ។ ក្នុងន័យនេះ សម្ដេចបានអរគុណ និងស្វាគមន៍ចំពោះការពង្រីកកិច្ចសហប្រតិបត្តិការរវាងប្រទេសទាំងពីរឱ្យកាន់តែប្រសើរថែម ទៀតជាពិសេស លើវិស័យ ពាណិជ្ជកម្ម កសិកម្ម វិនិយោគទុន ទេសចរណ៍ និងវិស័យថាមពលបៃតង៕
Comments