កិច្ចប្រជុំគណៈកម្មាធិការមជ្ឈិមបក្សរបស់វៀតណាមឈានដល់ការឯកភាពគ្នាលើការកែលម្អកំណើន និងគុណភាពការងារ

វិទ្យុជាតិកម្ពុជា កញ្ញា ខៀវ ណាវីន

អន្តរជាតិ៖ កិច្ចប្រជុំពេញអង្គលើកទី៨នៃគណៈកម្មាធិការមជ្ឈិមបក្សកុម្មុយនិស្តវៀតណាម (CPVCC) លើកទី ១៣ បានបិទបញ្ចប់កាលពីថ្ងៃអាទិត្យ ដោយមានការឯកភាពគ្នាលើការកែលម្អគុណភាពកំណើន ការបង្កើតការងារ និងបង្កើនប្រាក់ចំណូលសម្រាប់កម្មករ។ នេះបើយោងតាមការចេញផ្សាយដោយសារព័ត៌មាន Xinhua។ ក្នុងសុន្ទរកថាបិទ លោក Nguyen Phu Trong អគ្គលេខាធិការ គណៈកម្មាធិការមជ្ឈិមបក្សកុម្មុយនិស្តវៀតណាមបាននិយាយថា គោលដៅ ទាំងនេះគួរតែត្រូវសម្រេចបានដោយផ្អែកលើការរក្សាស្ថិរភាពម៉ាក្រូសេដ្ឋកិច្ច និងធានាតុល្យភាពសេដ្ឋកិច្ច និងសន្តិសុខសង្គមដ៏សំខាន់ របស់ទីភ្នាក់ងារសារព័ត៌មានវៀតណាម។ លោកបានអំពាវនាវឱ្យរក្សាការឃ្លាំមើលយ៉ាងជិតស្និទ្ធលើស្ថានភាពអន្តរជាតិ និងក្នុងស្រុក ដើម្បីធ្វើការ សម្រេចចិត្តដ៏សមស្រប និងមានប្រសិទ្ធភាពភ្លាមៗ ហើយខិតខំសម្រេចបាននូវកម្រិតខ្ពស់បំផុតនៃ  គោលដៅសំខាន់ៗសម្រាប់ឆ្នាំ ២០២៣ និងអាណត្តិទី ១៣ ទាំងមូល។ នៅក្នុងកិច្ចប្រជុំដែលមានរយៈពេលពេញមួយសប្តាហ៍ គណៈកម្មាធិការមជ្ឈិមបក្ស បានអនុម័តសេចក្តី សម្រេចចិត្តស្តីពីការបន្តបង្កើតថ្មី និងលើកកម្ពស់គុណភាពគោលនយោបាយសង្គម៕