វិទ្យុជាតិកម្ពុជា កញ្ញា ខៀវ ណាវីន
អន្តរជាតិ៖ បើយោងតាមទិន្នន័យពីរដ្ឋបាលទូទៅនៃគយបានឱ្យដឹងថា ពីខែមករាដល់ខែកញ្ញា ប្រទេសចិន បាននាំចេញជីចំនួន ២២,៦៧ លានតោន ដែលកើនឡើង ៣១,៦ ភាគរយពីមួយឆ្នាំទៅមួយឆ្នាំ។ នេះបើយោងតាមការចេញផ្សាយដោយសារព័ត៌មាន Xinhua។ នៅក្នុងខែកញ្ញា ឆ្នាំ ២០២៣ ប្រទេសនេះ បាននាំចេញជីចំនួន ៣,៧៧ លានតោន កើនឡើង ២០,៣ ភាគរយពីមួយឆ្នាំទៅមួយឆ្នាំ។ ក្នុង ចំណោម ប្រភេទ ជី ផ្សេង ៗ ដែលបាននាំចេញ ការនាំចេញជីអ៊ុយរ៉េ បានកត់ត្រាកំណើនលឿនបំផុតកាលពីខែមុន ដោយ កើន ឡើង ២៤១,៧ ភាគរយ បើធៀប នឹង ឆ្នាំ មុន។ តាមទិន្នន័យបានបង្ហាញថា ការនាំចេញ ជីអ៊ុយរ៉េបានឈានដល់ ២,៨៣ លានតោនក្នុងអំឡុងពេលបីត្រីមាសដំបូង ដែលកើនឡើង ៨០ ភាគរយ ពីមួយឆ្នាំទៅមួយឆ្នាំ៕
Comments