រដ្ឋាភិបាលឡាវកែលម្អការគ្រប់គ្រងរ៉ែដែក និងគម្រោងរ៉ែកម្រ

វិទ្យុជាតិកម្ពុជា កញ្ញា ខៀវ ណាវីន

អន្តរជាតិ៖ ប្រទេសឡាវកំពុងពិចារណាវិធីកែលម្អការគ្រប់គ្រងរ៉ែដែក និងគម្រោងរ៉ែកម្រ ដើម្បីបំពេញតាមចក្ខុវិស័យរបស់រដ្ឋាភិបាល និងនាំពួកគេឱ្យស្របតាមយុទ្ធសាស្ត្រអភិវឌ្ឍន៍រ៉ែ។ នេះបើយោងតាមការចេញផ្សាយដោយសារព័ត៌មាន Xinhua។ គោលដៅនេះត្រូវបានពិភាក្សានៅក្នុងកិច្ចប្រជុំពិគ្រោះយោបល់ដែលដឹកនាំដោយលោក Phoxay Sayasone រដ្ឋមន្ត្រីក្រសួងថាមពល និងរ៉ែឡាវក្នុងរដ្ឋធានីវៀងចន្ទន៍ ប្រទេសឡាវ កាលពីថ្ងៃទី ២៩ ខែវិច្ឆិកា។ កិច្ចប្រជុំក៏បានផ្តោតទៅលើការស្រាវជ្រាវ និងការឯកភាពគ្នាក្នុងក្រសួងលើមធ្យោបាយកែលម្អផែនការ ការផ្តល់អាជ្ញាបណ្ណ និងការគ្រប់គ្រងមីន ក្នុងគោលបំណងអនុវត្តតាមផែនការអភិវឌ្ឍន៍ថាមពល និងរ៉ែរយៈពេលប្រាំឆ្នាំ សម្រាប់ឆ្នាំ ២០២១-២០២៥។ រហូតមកដល់ពេលនេះ រដ្ឋាភិបាលឡាវបានអនុម័តវិនិយោគិនក្នុងស្រុក និងបរទេសឱ្យវិនិយោគលើគម្រោងចំនួន ៥០៥ និងក្រុមហ៊ុនចំនួន ៣៨២ ក្នុងវិស័យរ៉ែ។ បើយោងតាមរបាយការណ៍ក្នុងឆ្នាំ ២០២១ ក្រុមហ៊ុនចំនួនពីរបាននាំចេញរ៉ែដែកចំនួន ៦០,០០០ តោន ខណៈដែលក្រុមហ៊ុនចំនួន ១៣ បាននាំចេញរ៉ែដែកចំនួន ៧៩៥,៦៦១ តោនក្នុងឆ្នាំ ២០២២។ មកទល់ពេលនេះមានក្រុមហ៊ុនចំនួន ១៥ បាននាំចេញរ៉ែដែកបានចំនួន ១,៥២៩,១០០ តោន៕