វិទ្យុជាតិកម្ពុជា កញ្ញា ខៀវ ណាវីន
អន្តរជាតិ៖ លោក ង្វៀន ធីហឿង (Nguyen Thi Huong) អគ្គនាយកស្ថិតិ (GSO) បានឱ្យដឹងថា ការនាំចូល និងនាំចេញរបស់វៀតណាមក្នុងឆ្នាំ ២០២៣ បានធ្លាក់ចុះតិចជាង ៧០០ ពាន់លានដុល្លារអាមេរិក។ នេះបើយោងតាមការចេញផ្សាយដោយសារព័ត៌មាន Xinhua។ ជាពិសេសការនាំចេញរបស់ប្រទេសនេះបានធ្លាក់ចុះ ៤,៤% ខណៈដែលការនាំចូលធ្លាក់ចុះ ៨,៩% ដែលត្រូវបានសន្មតថាជាការធ្លាក់ចុះនៃតម្រូវការពិភពលោក។ ទោះជាយ៉ាងណាក៏ដោយ ប្រទេសនេះសម្រេចបាននូវអតិរេកពាណិជ្ជកម្ម ២៨ ពាន់លានដុល្លារអាមេរិក ដែលលើសពីតួលេខ ១២,១ ពាន់លានដុល្លារអាមេរិកដែលបានកត់ត្រាកាលពីឆ្នាំមុន។ ចំណូលនៃការនាំចេញត្រូវបានប៉ាន់ប្រមាណថា នឹងឈានដល់ ៣៥៥,៥ ពាន់លានដុល្លារនៅឆ្នាំនេះ ធ្លាក់ចុះ ៤,៤% ពីមួយឆ្នាំទៅមួយឆ្នាំ។ វិស័យសេដ្ឋកិច្ចក្នុងស្រុកបានរួមចំណែក ៩៥,៥៥ ពាន់លានដុល្លាដល់ពាណិជ្ជកម្មសរុបរបស់វៀតណាម ដោយធ្លាក់ចុះ ០,៣%។ ទន្ទឹមនឹងនេះវិស័យវិនិយោគបរទេស (រួមទាំងប្រេងឆៅ) មានចំនួន ២៥៩,៩៥ ពាន់លានដុល្លារអាមេរិក ដោយបានចុះបញ្ជីការថយចុះ ៥,៨%៕
Comments