ថៃ​មាន​បំណង​ទាក់ទាញ​ភ្ញៀវ​ទេសចរ​ចិន​ឱ្យ​បាន​ច្រើន​នៅ​ក្នុងឆ្នាំ​២០២៤

វិទ្យុជាតិកម្ពុជា កញ្ញា ខៀវ ណាវីន

អន្តរជាតិ៖ លោក Nithee Seeprae អភិបាលរងទទួលបន្ទុកផ្នែកទំនាក់ទំនងទីផ្សារនៃអាជ្ញាធរទេសចរណ៍ថៃ បាននិយាយថា ប្រទេសថៃនឹងសង្កត់ធ្ងន់លើសេវាកម្មស្តង់ដាខ្ពស់ដូចជា ការចូលប្រទេសបានងាយស្រួលជាងមុនសណ្ឋាគារប្រកបដោយផាសុកភាព ក៏ដូចជាម្ហូបឆ្ងាញ់ៗ ដើម្បីទាក់ទាញភ្ញៀវទេសចរ ជាពិសេសភ្ញៀវទេសចរមកពីប្រទេសចិន។ នេះបើយោងតាមការចេញផ្សាយដោយសារព័ត៌មាន Xinhua។ លោក Nithee បានប្រាប់ Xinhua ថា "ទេសចរណ៍ដើរតួនាទីយ៉ាងសំខាន់នៅក្នុងសេដ្ឋកិច្ចរបស់ប្រទេសថៃ ហើយប្រទេសចិនតែងតែជាទីផ្សារប្រភពដ៏ធំបំផុតមួយសម្រាប់ប្រទេសថៃ"។ លោក Nithee បានកត់សម្គាល់ថាឧបសគ្គមួយក្នុងចំណោមឧបសគ្គដែលភ្ញៀវទេសចរជួបប្រទះគឺដំណើរការនៃការទទួលបានទិដ្ឋាការ ដូច្នេះការលើកលែងទិដ្ឋាការនឹងក្លាយជាមធ្យោបាយដ៏ប្រសើរក្នុងការបង្កើនភាពទាក់ទាញរបស់ប្រទេសថៃ និងជំរុញសេដ្ឋកិច្ចរបស់ប្រទេស។ ប្រទេសថៃធ្លាប់បានផ្តល់ស្ថានភាពលើកលែងទិដ្ឋាការបណ្តោះអាសន្នសម្រាប់ភ្ញៀវមកពីប្រទេសចិន ដែលត្រូវបានកំណត់ថានឹងបញ្ចប់នៅថ្ងៃទី ២៩ ខែកុម្ភៈ ឆ្នាំ ២០២៤។ យោងតាមក្រសួងទេសចរណ៍ និងកីឡាបានឱ្យដឹងថា ប្រទេសថៃបានស្វាគមន៍ការមកដល់របស់ភ្ញៀវទេសចរបរទេសចំនួន ២៨ លាននាក់ក្នុងឆ្នាំ ២០១៣ ដែលក្នុងនោះមានភ្ញៀវទេសចរណ៍ចំនួន ៤,៥៦ លាននាក់មកពីប្រទេសម៉ាឡេស៊ី និង ៣,៥១ លាននាក់មកពីប្រទេសចិន៕