ក្នុងខែមករា ដល់ ខែ កុម្ភៈ ចំនួន ភ្ញៀវទេសចរចិន ដែលបានមកដល់ ប្រទេសហ្វីលីពីន កើនឡើង ២៣៥ ភាគរយ

វិទ្យុជាតិកម្ពុជា កញ្ញា ខៀវ ណាវីន

 
អន្តរជាតិ៖ សមាជិកសភាហ្វីលីពីនបាននិយាយថា  ក្នុងរយៈពេលពីរខែដំបូងនៃឆ្នាំ ២០២៤ ចំនួនអ្នកធ្វើដំណើរចិនទៅកាន់ប្រទេសហ្វីលីពីនបានកើនឡើងចំនួន ២៣៥ ភាគរយ។ នេះបើយោងតាមការចេញផ្សាយដោយសារព័ត៌មាន Xinhua។ ដោយដកស្រង់ទិន្នន័យពីនាយកដ្ឋានទេសចរណ៍របស់ប្រទេសហ្វីលីពីនលោក Marvin Rillo អនុប្រធានគណៈកម្មាធិការទេសចរណ៍បាននិយាយថា ក្នុងខែមករា និងកុម្ភៈឆ្នាំនេះអ្នកដំណើរចិនចំនួន ៨២,៣១៤ នាក់បានមកដល់ប្រទេសហ្វីលីពីន ដែលធ្វើឱ្យប្រទេសចិនក្លាយជាអ្នកផ្គត់ផ្គង់ធំជាងគេទីបីរបស់ហ្វីលីពីន។ លោក Rillo បាននិយាយថា ការកើនឡើងនេះ "មានការលើកទឹកចិត្តយ៉ាងខ្លាំង ហើយយើងសង្ឃឹមថា និន្នាការកើនឡើងនឹងបន្តទៅមុខទៀត" ដោយបន្ថែមថាការកើនឡើងនេះអាចទ្រទ្រង់ការងើបឡើងវិញពេញលេញនៃវិស័យទេសចរណ៍ដែលពឹងផ្អែកលើកម្លាំងពលកម្មខ្ពស់ និងបង្កើតការងារបន្ថែមទៀតសម្រាប់ប្រជាជនហ្វីលីពីន។ គួរបញ្ចាក់ថា ក្នុងរយៈពេលពីរខែដំបូងក្នុងឆ្នាំនេះ ប្រទេសហ្វីលីពីនបានទទួលអ្នកធ្វើដំណើរបរទេសចំនួន ១,០៩ លាននាក់ ដោយមានកូរ៉េខាងត្បូង និងសហរដ្ឋអាមេរិកជាទីផ្សារប្រភពកំពូលធំៗពីររបស់ខ្លួន៕