សម្តេចធិបតី ថ្លែងអរគុណចំពោះប្រជាពលរដ្ឋក្នុងខេត្តពោធិ៍សាត់ដែលបន្ដទុកចិត្ដ និងគាំទ្រគណបក្សប្រជាជនកម្ពុជា

សម្តេចធិបតី ថ្លែងអរគុណចំពោះប្រជាពលរដ្ឋក្នុងខេត្តពោធិ៍សាត់ដែលបន្ដទុកចិត្ដ និងគាំទ្រគណបក្សប្រជាជនកម្ពុជា

វិទ្យុជាតិកម្ពុជា ៖លោក ជួន បូណា

ភ្នំពេញ៖ ការថ្លែងរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី កម្ពុជា ក្នុងឱកាសអញ្ជើញជាអធិបតីភាពក្នុងពិធីសម្ពោធឆ្លង ព្រះបទុមចេតិយ និងសមិទ្ធផលនានានៅវត្ត មណី រតនារាម ស្ថិតក្នុងសង្កាត់រលាប ក្រុងពោធិ៍សាត់ ខេត្តពោធិ៍សាត់ នៅព្រឹកថ្ងៃអាទិត្យ ៧រោច ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹង ថ្ងៃទី៣១ ខែមីនា ឆ្នាំ២០២៤នេះ។

វត្តមណីរតនារាម ស្ថិតនៅតាមបណ្ដោយផ្លូវជាតិលេខ៥ មានផ្ទៃដីទំហំប្រាំបីហិកតា។ ពីដំបូងទី វត្ដនេះមានឈ្មោះថា មណ្ឌលសិក្សាព្រះពុទ្ធសាសនាមណីរត្ន ដែលកាលមុនជាមជ្ឈមណ្ឌល អប់ រំ ព្រះពុទ្ធសាសនា មានទីតាំងនៅក្នុងវត្ត កែវសុវណ្ណ ឃុំបន្ទាយដី ស្រុកកណ្តៀង ខេត្តពោធិ៍សាត់។ ដើម្បី ពង្រីកមណ្ឌលអប់រំឱ្យទូលំទូលាយងាយស្រួល ដល់អ្នកសិក្សា ប្រតិបត្តិ និងជាទីគង់នៅ សិក្សា របស់ព្រះសង្ឃផងនោះ គណៈកម្មការបានផ្តួចផ្តើមគំនិតបង្កើត ឱ្យមានមណ្ឌលសិក្សា មួយ ដោយឡែកនៅលើទីតាំងណាមួយមិនឆ្ងាយពេកពីទីប្រជុំជន។