ធនាគារជាតិថៃរក្សាអត្រាគោលនយោបាយមិនផ្លាស់ប្តូរនៅ ២,៥%

វិទ្យុជាតិកម្ពុជា កញ្ញា ខៀវ ណាវីន

អន្តរជាតិ៖ ធនាគារជាតិរបស់ប្រទេសថៃបានរក្សាអត្រាការប្រាក់សំខាន់របស់ខ្លួនមិនផ្លាស់ប្តូរ ដោយបានបន្តការផ្អាកសម្រាប់កិច្ចប្រជុំលើកទីបីជាប់ៗគ្នា បើទោះបីជាមានការអំពាវនាវពីរដ្ឋាភិបាលឱ្យកាត់បន្ថយការចំណាយលើការខ្ចីប្រាក់ដើម្បីពង្រឹងសេដ្ឋកិច្ចក៏ដោយ។ នេះបើយោងតាមការចេញផ្សាយដោយសារព័ត៍មាន Xinhua។ គណៈកម្មាធិការគោលនយោបាយរូបិយវត្ថុរបស់ធនាគារថៃ (BOT) បានបោះឆ្នោត ៥-២ ដើម្បីរក្សាអត្រាគោលនយោបាយស្ថិរភាពនៅកម្រិត ២,៥០ ភាគរយ ដែលជាកម្រិតខ្ពស់បំផុតចាប់តាំងពីខែតុលា ឆ្នាំ ២០១៣។ BOT បាននិយាយនៅក្នុងសេចក្តីថ្លែងការណ៍មួយថា "គណៈកម្មាធិការភាគច្រើនយល់ថា អត្រាការប្រាក់គោលនយោបាយបច្ចុប្បន្នគឺអំណោយផលដល់ការការពារស្ថិរភាពម៉ាក្រូហិរញ្ញវត្ថុ ហើយប្រសិទ្ធភាពនៃគោលនយោបាយរូបិយវត្ថុលើការដោះស្រាយឧបសគ្គរចនាសម្ព័ន្ធមានកម្រិត"។ BOT បាននិយាយថា សមាជិកគណៈកម្មាធិការពីរបានបោះឆ្នោតដើម្បីកាត់បន្ថយអត្រាគោលនយោបាយត្រឹម ០,២៥ ភាគរយ ដើម្បីឆ្លុះបញ្ចាំងពីការធ្លាក់ចុះនៃកំណើនសក្តានុពលរបស់ថៃ ដោយសារបញ្ហាប្រឈមរចនាសម្ព័ន្ធ និងដើម្បីកាត់បន្ថយបន្ទុកសេវាបំណុលរបស់អ្នកខ្ចីមួយផ្នែក៕