ប្រជាពលរដ្ឋរងគ្រោះដោយសារខ្យល់កន្រ្តាក់ ស្ថិតនៅភូមិ ដំណាក់ចំបក់ សង្កាត់អូរក្រសារ ក្រុងកែបអទទួលឣំណោយមនុស្សធម៌

វិទ្យុជាតិកម្ពុជា៖ មន្ទីរព័ត៌មានខេត្តកែប

កែប៖ គណៈកម្មាធិការសាខាកាកបាទក្រហមកម្ពុជាខេត្តកែប​ បាននាំយកឣំណោយមនុស្សធម៌របស់​ សម្ដេចកិត្តិព្រឹទ្ធបណ្ឌិត​ ប៊ុន​ រ៉ានី​ ហ៊ុន​សែន​ ប្រធាន​កាកបាទក្រហមកម្ពុជា​ ចែកជូនបងប្អូនប្រជាពលរដ្ឋរងគ្រោះដោយសារខ្យល់កន្រ្តាក់ ស្ថិតនៅភូមិ ដំណាក់ចំបក់ សង្កាត់អូរក្រសារ ក្រុងកែប

នៅរសៀល ថ្ងៃពុធ ទី០៨ ខែឧសភា ឆ្នាំ២០២៤ ឯកឧត្តមបណ្ឌិត សោម ពិសិដ្ឋ ប្រធានគណៈកម្មាធិការសាខាកាកបាទក្រហមកម្ពុជា ខេត្តកែប និងលោកជំទាវ ស ម៉ាលីដា អនុប្រធានកិត្តិយសសាខា លោក​ លោកស្រី​ អភិបាលរងខេត្ត បានដឹកនាំ គណ:កម្មាធិការសាខា កងកម្លាំងប្រដាប់អាវុធ ក្រុមប្រតិបត្តិសាខា ប្រធាន អនុប្រធានអនុសាខាក្រុង ស្រុក អាជ្ញាធរមូលដ្ឋាន ចុះសួរសុខទុក្ខ និងនាំយកឣំណោយមនុស្សធម៌ចែកជូនបងប្អូនប្រជាពលរដ្ឋរងគ្រោះដោយសារខ្យល់កន្រ្តាក់កាលពីយប់ថ្ងៃទី ០៧ ខែឧសភា ឆ្នាំ២០២៤ បណ្តាលអោយខូចខាតផ្ទះរបស់ប្រជាពលរដ្ឋចំនួន ២៣គ្រួសារ រងគ្រោះធ្ងន់ចំនួន ៧គ្រួសារ ស្ថិតនៅ សង្កាត់អូរក្រសារ ក្រុងកែប ខេត្តកែប។

ឯកឧត្តមបណ្ឌិត ប្រធាន បានពាំនាំប្រសាសន៍ផ្តាំផ្ញើសួរសុខទុក្ខពីសំណាក់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាលសម្តេចតែងតែគិតគូពីសុខទុក្ខបងប្អូនប្រជាពលរដ្ឋ ដែលមានទុក្ខលំបាក និងជនរងគ្រោះ ងាយគ្រោះ ដោយមិនប្រកាន់ពូជសាសន៍ ពណ៌សម្បុរ និងនិន្នាការនយោបាយឡើយ។

អំណោយដែលផ្តល់ជូនក្នុងមួយគ្រួសារៗទទួលបាន៖ អង្ករ ២៥ គីឡូក្រាម មី ១កេះ ទឹកត្រី១យួរ ទឹកស៊ីអ៊ីវ ១យួរ ត្រីខកំប៉ុង ១យួរ និងថវិកា៖  ១,ប្រជាពលរដ្ឋរងគ្រោះស្រាល ១៦គ្រួសារ ទទួលបានថវិកាចំនួន ១០០,០០០ រៀល  និង ២,ប្រជាពលរដ្ឋរងគ្រោះធ្ងន់ ៥គ្រួសារ ទទួលបានកៅស៊ូតង់១ និងថវិការ ២០០,០០០រៀល៕