ADB អនុម័តប្រាក់កម្ចី ១៥៥,៥ លានដុល្លារអាមេរិក ដើម្បីបង្កើនលទ្ធភាពទទួលបានហិរញ្ញវត្ថុ របស់ស្ត្រីនៅក្នុងប្រទេសប៉ាគីស្ថាន

វិទ្យុជាតិកម្ពុជា កញ្ញា ខៀវ ណាវីន

អន្តរជាតិ៖ ធនាគារអភិវឌ្ឍន៍អាស៊ី (ADB) បានយល់ព្រមផ្តល់ហិរញ្ញប្បទានចំនួន ១៥៥,៥ លានដុល្លារ អាមេរិកសម្រាប់ប្រទេសប៉ាគីស្ថាន ដែលនឹងគាំទ្រដល់កំណែទម្រង់គោលនយោបាយ លើកកម្ពស់ លទ្ធភាពទទួលបានហិរញ្ញវត្ថុរបស់ស្ត្រី និងផ្តល់ឥណទានដល់សហគ្រាសខ្នាតតូច ខ្នាតតូចនិងមធ្យម ដែលដឹកនាំដោយស្ត្រី។ នេះបើយោងតាមការចេញផ្សាយដោយសារព័ត៌មាន Xinhua។ ការផ្តល់ហិរញ្ញប្បទានរួមមានប្រាក់កម្ចីផ្អែកលើគោលនយោបាយតម្លៃ ១០០ លានដុល្លារ ដែលគាំទ្រដល់ កំណែទម្រង់ច្បាប់ និងបទប្បញ្ញត្តិ ដើម្បីជួយស្ត្រីឱ្យទទួលបានហិរញ្ញវត្ថុកាន់តែប្រសើរឡើង។ លើសពីនេះប្រាក់កម្ចីអន្តរការីហិរញ្ញវត្ថុ ៥០ លានដុល្លារ នឹងជួយឱ្យស្ថាប័នហិរញ្ញវត្ថុដែលចូលរួមផ្តល់ ប្រាក់កម្ចីដល់សហគ្រិនស្ត្រី ហើយជំនួយចំនួន ៥,៥ លានដុល្លារ នឹងផ្តល់ហិរញ្ញប្បទានដល់សកម្មភាព ពាក់ព័ន្ធ។ សេចក្តីថ្លែងការណ៍បានបន្ថែមថា ប្រការនេះគាំទ្រវិធានការដែលអនុញ្ញាតឱ្យស្ត្រីអាចទទួលបានជម្រើសឥណទានតាមរយៈបណ្តាញឌីជីថល ការផ្តល់ការបណ្តុះបណ្តាលផ្នែកហិរញ្ញវត្ថុ សេវាកម្មប្រឹក្សាដល់ស្ត្រី និងការកែលម្អលក្ខខណ្ឌការងាររបស់ ស្ត្រី នៅក្នុងវិស័យហិរញ្ញវត្ថុ។ យោងតាម   ADB បានឱ្យដឹងថា "ក្នុងពេលជាមួយគ្នានេះប្រាក់កម្ចីអន្តរការី ហិរញ្ញវត្ថុត្រូវបានគេរំពឹងថានឹងផ្តល់អត្ថប្រយោជន៍ដល់សហគ្រិនស្ត្រីប្រហែល ២ លាននាក់ រួមទាំងអ្នក ដែលមិនមានលទ្ធភាពទទួលបានហិរញ្ញវត្ថុតាមរយៈការផ្តល់ប្រាក់កម្ចីតាមរយៈស្ថាប័នហិរញ្ញវត្ថុ ដែលចូលរួម" ៕