ADB ព្យាករ កំណើន GDP របស់ប្រទេស វៀតណាម សម្រាប់ឆ្នាំ ២០២៤ ក្នុង អត្រា ៦%

វិទ្យុជាតិកម្ពុជា កញ្ញា ខៀវ ណាវីន

អន្តរជាតិ៖ ធនាគារអភិវឌ្ឍន៍អាស៊ី (ADB) បានព្យាករណ៍ថា ផលិតផលក្នុងស្រុកសរុប (GDP) របស់វៀតណាមមាន ៦% សម្រាប់ឆ្នាំ ២០២៤។ នេះបើយោងតាមការចេញផ្សាយដោយសារព័ត៌មាន Xinhua។ ធនាគារក៏បានបន្ទាបការព្យាករណ៍កំណើនរបស់ខ្លួនសម្រាប់ប្រទេសវៀតណាមនៅឆ្នាំនេះមកត្រឹម ៥,២% ពីការព្យាករណ៍ ៥,៨%។ អ្នកជំនាញរបស់ ADB បានចង្អុលបង្ហាញថា ការស្ទុះងើបឡើងវិញនៃតម្រូវការខាងក្រៅដែលខ្សោយជាងការរំពឹងទុកបានបន្តរារាំងដល់ទិន្នផលឧស្សាហកម្ម និងសេវាកម្ម ដោយអូសទាញការងើបឡើងវិញនៃការងារ និងការប្រើប្រាស់ក្នុងស្រុក។ គោលនយោបាយរូបិយវត្ថុដែលគាំទ្រដោយការគ្រប់គ្រងតម្លៃប្រកបដោយប្រសិទ្ធភាពនៃប្រេងសាំង អគ្គិសនី អាហារ ការថែទាំសុខភាព និងការអប់រំ ទាំងអស់បានរួមចំណែកដល់ការទប់ស្កាត់អតិផរណា។ ស្របនឹងបញ្ហានេះ អតិផរណារបស់ប្រទេសត្រូវបានព្យាករណ៍ថានឹងនៅតែមានកម្រិត ៣,៨% សម្រាប់ឆ្នាំនេះ មុនពេលកើនឡើងដល់ ៤% ក្នុងឆ្នាំ ២០២៤។ យោងតាមតួលេខដែលផ្តល់ដោយអ្នកសេដ្ឋកិច្ច ទស្សនវិស័យកំណើនសម្រាប់អាស៊ីអាគ្នេយ៍នៅឆ្នាំនេះត្រូវបានបន្ទាបមកត្រឹម ៤,៣% ពី ៤,៦% នៅពេលមានតម្រូវការខ្សោយសម្រាប់ការនាំចេញផលិតកម្ម៕