វិទ្យុជាតិកម្ពុជា៖ លោក រ៉ាត់ សុវណ្ណ (០៩ ០៤ ២០២៥)
ភ្នំពេញ៖ ឯកឧត្តម ហេង សុខគង់ រដ្ឋលេខាធិការ និងជាអ្នកនាំពាក្យក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍ បានលើកឡើងថា ក្រសួងបាននឹងកំពុងរៀបចំជា SME Classtor ដែលជាបណ្តុំនៃសហគ្រាស ខ្នាតតូច និងធម្យម សំដៅប្រមូលផ្តុំគ្នាជាប្រព័ន្ធ ងាយស្រួលសម្រួលទៅលើ SME ក៏ដូចជាជួយបន្ថែមទៀតកាន់តែច្រើន ។

ឯកឧត្តម ហេង សុខគង់ រដ្ឋលេខាធិការ និងជាអ្នកនាំពាក្យក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍បានណែនាំដល់ម្ចាស់អាជីវកម្មទាំងអស់ គប្បីប្រើប្រាស់ថ្នាលទូទាត់ឱ្យបានត្រឹមត្រូវ កាលណាយើងប្រើប្រាស់បានត្រឹមត្រូវនោះ នោះយើងមិនងាយចាញ់បោកនោះទេ។ ក្នុងនោះដើម្បីកាន់តែសុវត្ថិភាព ដល់អ្នកប្រើប្រាស់ពិសេសអាជីវកម្មខ្នាតតូច ក្រសួងឧស្សាហកម្ម បានខិតខំប្រឹងប្រែងជាខ្លាំង ដើម្បីសហការជាមួយវិស័យឯកជន និងដៃគូអភិវឌ្ឍន៍ ក្នុងគោលដៅធានាជំរុញនិងលើកកម្ពស់ដល់សហគ្រាសធុនតូច និងមធ្យម ឲ្យកាន់តែអភិវឌ្ឍទៅមុខ។
ឯកឧត្តម អ្នកនាំពាក្យ បានគូសបញ្ជាក់ថា ក្រសួងកំពុងស្ថិតនៅក្នុងការរៀបចំជា SME Classtor ដែលជាបណ្តុំនៃសហគ្រាស ខ្នាតតូច និងធម្យម ។ ក្នុងន័យនេះ ឯកឧត្តម ហេង សុខគង់ ចង់សំដៅថា កាលណាផ្តុំគ្នាជាប្រព័ន្ធច្រើន ងាយស្រួលសម្រួលទៅលើ SME ។ ដូច្នេះ SME Classtor នឹងជួយបន្ថែមទៀតកាន់តែច្រើន ។
"យើងកំពុងប្រមើមើល ទៅលើវិស័យជាអទិភាព វិស័យអទិភាពណា ដើម្បីយើងរុញទៅលើប្រព័ន្ធ SME Classtor នេះ ឱ្យចំគោលដៅតែម្តង ក្រៅពីនឹងដែរ រាជរដ្ឋាភិបាល កំពុងត្រៀមរៀបចំតំបន់កសិឧស្សាហកម្មជាតិ ហៅថា Grow Industry Park ក្នុងគោលដៅជួយទៅលើអាជីវកម្មខ្នាតតូច ជាពិសេសទៅលើវិស័យកសិកម្ម ឱ្យផ្សាភ្ជាប់ជាមួយវិស័យ កសិ-ឧស្សាហកម្ម ជាកសិកម្ម ទៅជាកសិ-ឧស្សាហកម្ម ។ កាលណាជំរុញ ពីកសិកម្មទៅជាកសិ-ឧស្សាហកម្ម បានន័យថា ខ្សែចង្វាក់ផលិតកម្មកាន់តែវែង មិនមែនបានន័យថា គ្រាន់តែផលិតស្រូវហើយ យើងលក់ឱ្យគេទេ ចឹងយើងអាចផលិតស្រូវ យើងកែឆ្នៃជាអង្ករ, អង្កាម យើងកែឆ្នៃទៅជាកន្ទួក កែឆ្នៃទៅជាប្រេង, ចុងអង្ករយើងអាចយកទៅធ្វើនំ ឬធ្វើស្រា ស ជាឧទាហរណ៍ អានឹងធ្វើឱ្យខ្សែចង្វាក់ផលិតកម្មយើងកាន់តែវែង ដែលផ្តល់នូវតម្លៃបន្ថែមកាន់តែខ្ពស់ សម្រាប់អាជីវកររបស់យើង ទាំងអស់នេះជាយន្តការៃការគិតគូ"។
សូមបញ្ជាក់ថា SME គឺជាវិស័យមួយដ៏មានសារៈសំខាន់ ជាខួរឆ្អឹងខ្នងរបស់ជាតិ មិនមែនតែប្រទេសកម្ពុជានោះទេ ប្រទេសណាក៏ដោយ សហគ្រាសធុនតូច និងមធ្យមពិតជាមានសារៈសំខាន់ណាស់ ជាក់ស្ដែងសហរដ្ឋអាមេរិក ផលិតផលក្នុងស្រុកសរុប ៥០ភាគរយបានមកពី SME, ជប៉ុន៥៥ភាគរយ ចំណែកឯប្រទេសចិនមានរហូតដល់៦០ភាគរយឯណ្ណោះ ដូច្នេះរាជរដ្ឋាភិបាលក៏ដូចជាក្រសួងឧស្សាហកម្ម ជំរុញលើកកម្ពស់ និងអភិវឌ្ឍន៍ SME ដោយបានរៀបចំគោលនយោបាយច្រើនមែនទែន៕