វិទ្យុជាតិកម្ពុជា  អេង យូ ១៣ ០៤ ២០២៥

នៅរសៀលថ្ងៃទី១៣ ខែមេសា ឆ្នាំ២០២៥ នៅបរិវេណតំបន់ភូមិខ្ញុំ បានប្រារព្ធពិធីលើកទង់ មុនចាប់ផ្តើមដំណើរកម្មវិធីឬពិធីផ្សេងៗ ដែលជាទំនៀមទម្លាប់របស់អ្នកស្រុកអង្គរប្រតិបត្តិតាំងបុរាណ និងរក្សាទុកមកដល់បច្ចុប្បន្ន។
ពិធីនេះបានធ្វើឡើងក្រោមវត្តមានរបស់ឯកឧត្តម ហ៊ុន ម៉ានី ប្រធាន ស.ស.យ.ក. និងជាប្រធានគណៈកម្មការរៀបចំព្រឹត្តិការណ៍អង្គរសង្រ្កាន្ត។
សូមបញ្ជាក់ថា ពិធីលើកទង់ តែងត្រូវតែប្រារព្ធធ្វើសូម្បីតែពិធីបុណ្យតូចតាចនៅតាមភូមិ ហើយបានសបញ្ជាក់ថា ជាការចាប់ផ្តើមកម្មវិធីបុណ្យនាពេលខាងមុខនេះ ពិតជាមានអត្ថន័យសំខាន់ណាស់សម្រាប់ប្រជាជនរស់នៅតំបន់អង្គរ។អត្ថន័យមួយទៀត ជាប់ពាក់ព័ន្ធនិងពិធីពូនភ្នំខ្សាច់ ជាការនឹករលឹក ការបូជាគុណទៅដល់ព្រះចូឡាមុនីចេតីយ៍របស់ព្រះសម្មាសម្ពុទ្ធបរមគ្រូនៃយើង។  
ពិធីលើកទង់ ដែលប្រារព្ធនៅបរិវេណតំបន់ភូមិខ្ញុំ គឺជាទំនៀមទម្លាប់អ្នកស្រុកអង្គរប្រតិបត្តិតាំងពីបុរាណ ត្រូវបានរក្សាទុកមកដល់បច្ចុប្បន្ន ជាការផ្សារភ្ជាប់បេតិកភណ្ឌអរូបី ក្នុងតំបន់បេតិកភណ្ឌរូបី៕