វិទ្យុជាតិកម្ពុជា កញ្ញា ខៀវ ណាវីន ថ្ងៃទី១៩ មីនា ២០២៥

អន្តរជាតិ៖ ប្រធានាធិបតីអាម៉េរិកលោក ដូណាល់ ត្រាំ ជឿជាក់ថា មុននឹងនិយាយអំពីដំណើរទស្សនកិច្ចរបស់ប្រធានាធិបតីរុស្ស៊ីលោក វ្ល៉ាឌីមៀ ពូទីន ទៅកាន់សហរដ្ឋអាម៉េរិក កិច្ចព្រមព្រៀងស្តីពីការដោះស្រាយដោយសន្តិវិធីនៅអ៊ុយក្រែន គួរតែត្រូវបានសម្រេចជាមុនសិន។ នេះបើយោងតាមការចេញផ្សាយដោយសារព័ត៌មាន Tass។ នៅពេលសួរដោយអ្នកសារព័ត៌មានថាតើលោក ត្រាំ នឹងបើកចំហក្នុងការអញ្ជើញលោក ពូទីន ទៅកាន់សេតវិមានប្រសិនបើមានការចុះហត្ថលេខាលើកិច្ចព្រមព្រៀងសន្តិភាពនោះ? លោកបានឆ្លើយថា "បាទ ខ្ញុំមិនចង់ពិភាក្សាវានៅពេលនេះទេ។ ខ្ញុំត្រូវតែទទួលបានកិច្ចព្រមព្រៀង។ ខ្ញុំត្រូវតែចុះហត្ថលេខាលើកិច្ចព្រមព្រៀងនោះ"។ កាលពីថ្ងៃទី១១ គណៈប្រតិភូអាម៉េរិក និងអ៊ុយក្រែនបានចរចានៅអារ៉ាប៊ីសាអូឌីត។ យោងតាមសេចក្តីថ្លែងការណ៍ចុងក្រោយរួម ទីក្រុងកៀវ បានយល់ព្រមលើបទឈប់បាញ់រយៈពេល ៣០ថ្ងៃ និងការចុះហត្ថលេខាលើកិច្ចព្រមព្រៀងស្តីពីរ៉ែជាមួយទីក្រុងវ៉ាស៊ីនតោន។ ផ្ទុយទៅវិញ សហរដ្ឋអាម៉េរិកនឹងបន្តផ្តល់ជំនួយផ្នែកយោធា និងការចែករំលែកព័ត៌មានសម្ងាត់ជាមួយអ៊ុយក្រែនឡើងវិញ។ គួរបញ្ជាក់ថា កាលពីថ្ងៃទី១៣ លោក ពូទីន បានសម្តែងការដឹងគុណចំពោះលោក ត្រាំ ចំពោះការចូលរួមរបស់លោកនៅក្នុងកិច្ចចរចាសន្តិភាព និងបានគាំទ្រគំនិតនៃបទឈប់បាញ់។ លោកបានបន្តថា ទីក្រុងមូស្គូបើកចំហចំពោះសំណើសម្រាប់ការបញ្ចប់ជម្លោះអ៊ុយក្រែន ដរាបណាពួកគេត្រួសត្រាយផ្លូវសម្រាប់សន្តិភាពយូរអង្វែង និងដោះស្រាយមូលហេតុនៃវិបត្តិ៕