វិទ្យុជាតិកម្ពុជា កញ្ញា ខៀវ ណាវីន ថ្ងៃទី១៣ ៥ ២៥
អន្តរជាតិ៖ តាមប្រភពផ្លូវការបាននិយាយថា អគ្គនាយកនៃប្រតិបត្តិការយោធា (DGMOs) របស់ប្រទេសឥណ្ឌា និងប៉ាគីស្ថានបានពិភាក្សាអំពីបទឈប់បាញ់ដែលបានសម្របសម្រួលរវាងប្រទេសទាំងពីរតាមរយៈបណ្តាញទូរស័ព្ទបន្ទាន់ នឹងបានយល់ព្រមបន្តការពិភាក្សា។ នេះបើយោងតាមការចេញផ្សាយដោយសារព័ត៌មាន Tass។ ក្នុងអំឡុងពេលសន្ទនា មេបញ្ជាការបានពិភាក្សាអំពីលក្ខខណ្ឌនៃបទឈប់បាញ់ រួមទាំងវិធានការសម្រាប់ព្រំដែនអន្តរជាតិ និងខ្សែបន្ទាត់ត្រួតពិនិត្យ (LoC) និងកង្វល់ទាក់ទងនឹងដ្រូន។ ភាគីទាំងពីរក៏បានយល់ព្រមបន្តការចរចាជាមួយនឹងកាលបរិច្ឆេទបន្ទាប់ពីកិច្ចចរចាដែលត្រូវប្រកាសនាពេលខាងមុខផងដែរ។ ភាពតានតឹងបានកើនឡើងរវាងឥណ្ឌា និងប៉ាគីស្ថាន បន្ទាប់ពីការវាយប្រហារភេរវកម្មដ៏សាហាវនៅទីក្រុងទេសចរណ៍ដ៏ពេញនិយមក្នុងទឹកដីសហភាពចាមមូរ និង កាស្មៀរ របស់ប្រទេសឥណ្ឌា ដែលពលរដ្ឋឥណ្ឌា ២៥ នាក់ និងជនជាតិនេប៉ាល់ម្នាក់ត្រូវបានសម្លាប់។ ប្រទេសឥណ្ឌាបានអះអាងថា ខ្លួនមានភ័ស្តុតាងដែលថា ការវាយប្រហារនេះធ្វើឡើងដោយក្រុមខុសច្បាប់នៅក្នុងប្រទេសរុស្ស៊ីនៃអង្គការចារកម្មអន្តរសេវាកម្មប៉ាគីស្ថាន។ ទីក្រុងញ៉ូវដេលី និងទីក្រុងអ៊ីស្លាម៉ាបាដ បានណែនាំវិធានការទៅវិញទៅមកទាក់ទងនឹងបុគ្គលិកការទូត ផ្អាកទំនាក់ទំនងទ្វេភាគី និងបិទដែនអាកាសផងដែរ៕