ទីក្រុងតូក្យូនិងអូសាការបស់ប្រទេសជប៉ុនគ្រោងនឹងបន្ធូរ បន្ថយការរឹតបន្តឹងលើការទទួលទានអាហារចំពេលមានការថយចុះនៃការឆ្លងជំងឺកូវីដ-១៩

វិទ្យុជាតិកម្ពុជា កញ្ញា ខៀវ ណាវីន ថ្ងៃទី២២ ខែកញ្ញា ឆ្នាំ២០២១

អន្តរជាតិ: រដ្ឋាភិបាលមូល ដ្ឋាននៅទីក្រុងតូក្យូនិងអូសាការបស់ប្រទេសជប៉ុនមានគម្រោងដកការដាក់កំហិតលើការការពារជំងឺកូវីដ-១៩ លើភោជនីយដ្ឋាននិងបារនៅសប្តាហ៍ក្រោយដោយសារការធ្លាក់ចុះនៃការឆ្លងនៅទូទាំងប្រទេស។ 

នេះបើយោងតាមការចេញ ផ្សាយដោយសារព័ត៌មាន Xinhua ចេញផ្សាយនៅថ្ងៃទី២២ ខែកញ្ញា។

      រដ្ឋាភិបាលក្នុងតំបន់បាននិយាយកាលពីថ្ងៃព្រហស្បតិ៍នេះថា ការដាក់កំហិតលើការទទួលទានអាហារដែលមានជាតិអាល់កុលឬម៉ោងធ្វើការនឹងមិនមានទៀតទេ ចាប់ពីថ្ងៃច័ន្ទនេះតទៅទោះបីមានការព្រួយបារម្ភអំពីរលកឆ្លងទី ៦ ដែលអាចកើតមាននៅរដូវរងាក៏ដោយ។ ក្រោមការស្នើសុំរបស់រដ្ឋាភិបាលទីក្រុងតូក្យូបច្ចុប្បន្ននេះមានភោជនីយ ដ្ឋានប្រមាណ ១០២,០០០ កន្លែងដែលបានបញ្ជាក់ឈប់ទទួលទានគ្រឿងស្រវឹងត្រឹមម៉ោង ៨ យប់ ម៉ោងក្នុងស្រុកហើយបិទត្រឹមម៉ោង ៩ យប់ ម៉ោងក្នុងស្រុក។ ទន្ទឹមនឹងនេះដែរ នៅខេត្តអូសាកា កន្លែងបរិភោគអាហារដែលមានវិញ្ញាបនប័ត្រចំនួន ៤១,៨០០ មិនត្រូវបានអនុញ្ញាតឱ្យផ្តល់គ្រឿងស្រវឹងទេនៅម៉ោង ៨:៣០ នាទីយប់ម៉ោងក្នុងស្រុកហើយត្រូវបិទត្រឹមម៉ោង ៩ យប់ម៉ោងក្នុងស្រុក។ រដ្ឋាភិបាលទីក្រុងតូក្យូមានគម្រោងបន្តកំណត់ចំនួនមនុស្សដែលអាចអង្គុយនៅតុតែមួយចំនួន ៤ នាក់។ ទោះយ៉ាងណាក៏ដោយមនុស្សប្រាំនាក់ឬច្រើននាក់ នឹងត្រូវបានអនុញ្ញាតឱ្យញ៉ាំជាមួយគ្នាប្រសិនបើពួកគេបង្ហាញភស្តុតាងនៃការចាក់វ៉ាក់សាំងការពារជំងឺកូវីដ-១៩ ។

   រដ្ឋាភិបាលខេត្តអូសាកានឹងបន្តកំណត់ចំនួនមនុស្សដែលទទួលទានអាហាររួមគ្នានៅ ក្នុងភោជនីយដ្ឋានចំនួន ៤ នាក់រហូតដល់ចុងខែវិច្ឆិកា។ គេក៏បានអំពាវនាវឱ្យសាធារ ណជនចៀសវាងការទទួល ទានអាហារលើសពីពីរម៉ោង។ 

    ប្រទេសជប៉ុនបានរាយការ ណ៍ពីករណីឆ្លងកូវីដ-១៩ ថ្មីប្រចាំថ្ងៃចំនួន ៣៩១ ករណីនិងមានអ្នកស្លាប់ចំនួន ១១ នាក់ទៀតកាលពីថ្ងៃព្រហស្បត្ថិ៍៕