វិទ្យុជាតិកម្ពុជា កញ្ញា ខៀវ ណាវីន
អន្តរជាតិ៖ កាលពីថ្ងៃពុធ ក្រសួងពាណិជ្ជកម្មរបស់ប្រទេសមីយ៉ាន់ម៉ាបានឱ្យដឹងថា មីយ៉ាន់ម៉ា បាននាំចេញសណ្តែក និងគ្រាប់ធញ្ញជាតិជាង ៥៥៨,៧០០ តោន ដែលមានតម្លៃជាង ៤២៦ លានដុល្លារ អាមេរិក ក្នុងរយៈពេល ៤ ខែដំបូងនៃឆ្នាំសារពើពន្ធ ២០២២-២០២៣។នេះបើយោងតាមការចេញផ្សាយដោយសារព័ត៌មាន Xinhua។ ទិន្នន័យរបស់ក្រសួងនេះបានឱ្យដឹងថា ចាប់ពីថ្ងៃទី ១ ខែមេសា ដល់ថ្ងៃទី ២៩ ខែកក្កដា ឆ្នាំនេះ ប្រទេសមីយ៉ាន់ម៉ាបានដឹកជញ្ជូនសណ្តែកជាង ៤១៩,១២០ តោន តាមរយៈផ្លូវសមុទ្រ ហើយបានដឹកជញ្ជូនសណ្តែក និងគ្រាប់ធញ្ញជាតិជាង ១៣៩,៥៧៩ តោន តាមរយៈព្រំដែនគោក។តួលេខផ្លូវការបានបង្ហាញថា ដោយសារជំងឺរាតត្បាតកូវីដ-១៩ មីយ៉ាន់ម៉ាបាន ដឹកជញ្ជូនសណ្តែក និងគ្រាប់ធញ្ញជាតិនាំចេញភាគច្រើនរបស់ខ្លួនតាមផ្លូវសមុទ្រ។ឆ្នាំសារពើពន្ធបច្ចុប្បន្នរបស់ប្រទេសមីយ៉ាន់ម៉ាបានចាប់ផ្តើមនៅថ្ងៃទី ១ ខែមេសាឆ្នាំនេះ បន្ទាប់ពីប្រទេសនេះ បានផ្លាស់ប្តូរវដ្តឆ្នាំសារពើពន្ធរបស់ខ្លួនពីដើមខែតុលាដល់ខែកញ្ញា ពីខែមេសាដល់ខែមីនា ដែលចាប់ផ្តើម នៅឆ្នាំនេះ។សណ្តែក និង គ្រាប់ធញ្ញជាតិគឺជា ដំណាំ ដាំដុះ ច្រើនជាងគេ ទីពីរ របស់ មី យ៉ាន់ ម៉ា បន្ទាប់ពី ស្រូវ ហើយ មាន ចំនួន ៣៣ ភាគរយ នៃផលិតកម្មកសិកម្មសរុបរបស់ប្រទេសនេះ ៕
Comments