ជនភៀសខ្លួន រាប់ ពាន់ នាក់ ពី អ៊ីស្រាអែលបាន មក ដល់ ប្រទេស ស៊ីប

វិទ្យុជាតិកម្ពុជា កញ្ញា ខៀវ ណាវីន

អន្តរជាតិ៖ អ្នកនាំពាក្យអាកាសយានដ្ឋានរបស់ប្រទេសបាននិយាយថា មនុស្សរាប់ពាន់នាក់បានចាកចេញ ពីប្រទេសអ៊ីស្រាអែល បន្ទាប់ពីមានការប្រយុទ្ធគ្នារវាងកងទ័ពអ៊ីស្រាអែលនិងកងកម្លាំងហាម៉ាស់ កំពុងមក ដល់ប្រទេសស៊ីប។ នេះបើយោងតាមការចេញផ្សាយដោយសារព័ត៌មាន Xinhua។ ក្រុមហ៊ុនអាកាសចរណ៍អន្តរជាតិជាច្រើនបានប្រកាសផ្អាកជើងហោះហើរទៅ និងមកពីទីក្រុង Tel Aviv បន្ទាប់ពីការវាយប្រហារដ៏គួរឱ្យភ្ញាក់ផ្អើលដោយក្រុមសកម្មប្រយុទ្ធហាម៉ា់ស់កាលពីថ្ងៃសៅរ៍។ លោកស្រី Maria Kouroupi នាយកជាន់ខ្ពស់នៃការអភិវឌ្ឍន៍អាកាសចរណ៍ និងទំនាក់ទំនងនៃព្រលានយន្តហោះ Hermes បាននិយាយថា "នៅអាកាសយានដ្ឋាន Larnaca ទាំងកាលពីម្សិលមិញ និងថ្ងៃនេះមានជើង ហោះហើរសង្គ្រោះបន្ទាន់ជាច្រើនទៅកាន់ប្រទេសអ៊ីស្រាអែល។ នៅថ្ងៃចន្ទ យើងរំពឹងថានឹងមានជើង ហោះហើរ ចំនួន ២០ និងការមកដល់ចំនួន ២០ជើង ទៅកាន់ប្រទេសជិតខាងដែលក្នុងនោះ ១១ជើង ត្រូវបានកំណត់ពេលក្នុងរយៈពេល ២៤ម៉ោងចុងក្រោយ"។ លោកស្រី Kouroupi បានប្រាប់ទីភ្នាក់ងារសារ ព័ត៌មានដែលគ្រប់គ្រងដោយរដ្ឋថា ជើងហោះហើរពីអ៊ីស្រាអែលគឺពោរពេញដោយមនុស្សភៀសខ្លួនចេញ ពីប្រទេសមិនថាជនបរទេស ឬជនជាតិអ៊ីស្រាអែលដែលស្វែងរកទីជម្រកនៅប្រទេសស៊ីប។ អ្នក ស្រី បាន និយាយ ថា អ្នក ដែល ចាកចេញ ភាគច្រើន ជា ជនជាតិ អ៊ីស្រាអែល៕