ធនាគារជាតិរបស់ប្រទេសម៉ាឡេស៊ី បញ្ជាក់ជាថ្មីនូវការគាំទ្រសម្រាប់សហគ្រាសធុនតូច និងមធ្យម

វិទ្យុជាតិកម្ពុជា កញ្ញា ខៀវ ណាវីន

អន្តរជាតិ៖ ធនាគារជាតិម៉ាឡេស៊ីបាននិយាយថា ខ្លួននឹងបន្តគាំទ្រផ្នែកអាទិភាពនៃសហគ្រាសធុនតូច និងមធ្យម (MSMEs) ដើម្បីទទួលបានហិរញ្ញប្បទានក្នុងអត្រាប្រកួតប្រជែង។ នេះបើយោងតាមការចេញផ្សាយដោយសារព័ត៌មាន Xinhua។ ធនាគារ Negara Malaysia បាននិយាយនៅក្នុងសេចក្តីថ្លែងការណ៍មួយថា ទឹកប្រាក់ចំនួន ៦០០ លានរីងហ្គីត (១២៥,៨៥ លានដុល្លារអាមេរិក) ដែលត្រូវបានកំណត់សម្រាប់ផ្នែកគោលដៅចំនួន ៤។ សេចក្តីថ្លែងការណ៍បាននិយាយថា "ការកើនឡើងនៃគោលដៅចំនួន ៤នោះ  គឺការកើនឡើងចំនួន ២០០ លាន រីងហ្គីតក្នុងការបែងចែកសម្រាប់គ្រឹះស្ថានមីក្រូសហគ្រាស, ២០០ លានរីងហ្គីតសម្រាប់ឧបករណ៍ ប្រើប្រាស់ក្នុងវិស័យសេដ្ឋកិច្ចទាំងអស់, ១០០ លានរីងហ្គីតស្ថិតសម្រាប់កន្លែងកសិផល និង ១០០ លានរីងហ្គីតទៀតគឺសម្រាប់ការផ្លាស់ប្តូរកាបូនទាប"។ ប្រហែល ៨,៤ ពាន់លានរីងហ្គីតនៅតែមាន សម្រាប់សហគ្រាស ធុនតូចនិងមធ្យមនៅទូទាំងកន្លែងផ្តល់ហិរញ្ញប្បទានទាំងអស់ ដើម្បីគាំទ្រដល់ការ ចូលរួមរបស់ពួកគេ  នៅក្នុងគំនិតផ្តួចផ្តើមថ្នាក់ជាតិសំខាន់ៗ រួមទាំងផែនការឧស្សាហកម្មថ្មី ២០៣០ និងផែនទីផ្លូវផ្លាស់ប្តូរ ថាមពលជាតិ៕   (១ រីងហ្គីត ស្មើនឹង ០,២១ ដុល្លារអាមេរិក)