វិទ្យុជាតិកម្ពុជា កញ្ញា ខៀវ ណាវីន
អន្តរជាតិ៖ បើយោងតាមការិយាល័យស្ថិតិទូទៅបាននិយាយថា វៀតណាមបានទាក់ទាញការវិនិយោគបរទេសជិត ២៨,៨៥ ពាន់លានដុល្លារអាមេរិកគិតត្រឹមថ្ងៃទី ២០ ខែវិច្ឆិកា ដែលជាកំណើន ១៤,៨ ភាគរយពីមួយឆ្នាំទៅមួយឆ្នាំ។ នេះបើយោងតាមការចេញផ្សាយដោយសារព័ត៌មាន Xinhua។ ការិយាល័យបាននិយាយថា ក្នុងរយៈពេល ១១ ខែដំបូងមានប្រហែល ២០,២៥ ពាន់លានដុល្លារនៃការវិនិយោគផ្ទាល់ពីបរទេស (FDI) ដែលបានហូរចូលប្រទេសនេះ ដែលកើនឡើង ២,៩ ភាគរយពីមួយឆ្នាំទៅមួយឆ្នាំ។ យោងតាមទីភ្នាក់ងារវិនិយោគបរទេស ក្រោមក្រសួងផែនការ និងវិនិយោគបានឱ្យដឹងថា វិនិយោគិនបរទេសបានវិនិយោគនៅក្នុងខេត្ត-ក្រុងចំនួន ៥៧ ក្នុងអំឡុងពេលដែលបានលើកឡើង។ ខេត្ត Quang Ninh ភាគខាងជើងនៅតែជាគោលដៅធំបំផុតរបស់ FDI ដែលមានជិត ៣,១១ ពាន់លានដុល្លារ។
គិតត្រឹមថ្ងៃទី ២០ ខែវិច្ឆិកា គម្រោង FDI ដែលមានតម្លៃសរុបជិត ៤៦២,៤ ពាន់លានដុល្លារនៅទូទាំងប្រទេសវៀតណាម។ យោងតាមទីភ្នាក់ងារនេះបានឱ្យដឹងថា ជិត ២៩៤,២ ពាន់លានដុល្លារនៃដើមទុនចុះបញ្ជីរបស់គម្រោងត្រូវបានបញ្ចេញ ដែលស្មើនឹង ៦៣,៦ ភាគរយ៕
Comments