ស្ថានភាពជំងឺកូវីដ-១៩ របស់ឥណ្ឌូនេស៊ីនៅតែស្ថិតក្រោមការគ្រប់គ្រង ដោយធានាសុវត្ថិភាពក្នុងអំឡុងពេលពិធីបុណ្យណូអែល និងបុណ្យឆ្លងឆ្នាំថ្មី

វិទ្យុជាតិកម្ពុជា កញ្ញា ខៀវ ណាវីន

អន្តរជាតិ៖ លោក Sandiaga Uno រដ្ឋមន្ត្រីក្រសួងទេសចរណ៍ និងសេដ្ឋកិច្ចឥណ្ឌូនេស៊ីបាននិយាយថា ស្ថានភាពជំងឺកូវីដ-១៩ នៅតែស្ថិតក្រោមការគ្រប់គ្រង ដោយធានាសុវត្ថិភាពក្នុងអំឡុងពេលពិធីបុណ្យណូអែល និងបុណ្យឆ្លងឆ្នាំថ្មី។ នេះបើយោងតាមការចេញផ្សាយដោយសារព័ត៌មាន Vietnam Plus។ លោក  Uno បាននិយាយថា អាជ្ញាធរ ពាក់ព័ន្ធ កំពុង តាម ដាន ស្ថានការណ៍ កូវីដ-១៩ យ៉ាង ដិតដល់ ហើយ នឹង ផ្តល់ អនុសាសន៍ ក្នុង ករណី មាន ការ វិវឌ្ឍ ។ លោកបន្តថា ដើម្បីធានាបាននូវសុខភាព និងទប់ស្កាត់ការរីករាលដាលនៃជំងឺនេះ ប្រជាពលរដ្ឋត្រូវចាត់វិធានការបង្ការដូចជាការពាក់ម៉ាស់ រក្សាអនាម័យ និងកំណត់ការជួបជុំធំៗជាដើម។ យោងតាមក្រសួងសុខាភិបាលឥណ្ឌូនេស៊ីបានរកឃើញករណីឆ្លងកូវីដ-១៩ ថ្មីចំនួន ២១៦ ករណីនៅថ្ងៃទី ១៧ ខែធ្នូ រួមជាមួយនឹងការជាសះស្បើយចំនួន ១២៨ នាក់ និងស្លាប់ម្នាក់។ ប្រទេសឥណ្ឌូនេស៊ី និងប្រទេសជាច្រើននៅទូទាំងពិភពលោកនាពេលថ្មីៗនេះបានឃើញការកើនឡើងនៃករណីកូវីដ-១៩ ដែលភាគច្រើនដោយសារតែការលេចចេញនូវវីរុសថ្មីដែលមានឈ្មោះថា JN.1. ៕