ក្នុងឆ្នាំ ២០២៣ ការវិនិយោគនៅក្រៅប្រទេសរបស់វៀតណាមមានចំនួន ៤២០,៩ លានដុល្លារ

វិទ្យុជាតិកម្ពុជា កញ្ញា ខៀវ ណាវីន

អន្តរជាតិ៖ ប្រព័ន្ធផ្សព្វផ្សាយក្នុង ស្រុកបានរាយការណ៍ដោយដកស្រង់សម្តីរបស់ការិយាល័យស្ថិតិទូទៅ (GSO) ថា វិនិយោគិនវៀតណាមបានវិនិយោគចំនួន ៤២០,៩ លានដុល្លារអាមេរិកទៅបរទេសក្នុងឆ្នាំ ២០២៣ ដោយប្រកាសពីការថយចុះពីមួយឆ្នាំទៅមួយឆ្នាំ ២១,២ ភាគរយ។ នេះបើយោងតាមការចេញផ្សាយដោយសារព័ត៌មាន Xinhua។ ក្នុងចំណោមចំនួននេះជាង ២៨២,៧ លានដុល្លារត្រូវបានចុះបញ្ជីសម្រាប់គម្រោងថ្មីចំនួន ១២៤ ដែលធ្លាក់ចុះ ៣៣,៧ ភាគរយពីមួយឆ្នាំទៅមួយឆ្នាំ ខណៈដែល ១៣៨,២ លានដុល្លារត្រូវបានបន្ថែមទៅគម្រោងដែលមានស្រាប់ចំនួន ២៥ កើនឡើង ១,៣ ដង។ យោងតាម ​​GSO បានឱ្យដឹងថា ការវិនិយោគលើផ្នែកលក់ដុំ និងរាយ និងការជួសជុលរថយន្ត ម៉ូតូ និងវិស័យយានយន្តបានកត់ត្រាការវិនិយោគក្រៅប្រទេសដ៏ធំបំផុតពីប្រទេសវៀតណាមជាមួយនឹងចំនួន១៥៦,៩ លានដុល្លារ ស្មើនឹង ៣៧,៣ ភាគរយនៃចំនួនសរុប។ បើយោងតាមរបាយការណ៍របស់ទីភ្នាក់ងារសារព័ត៌មានវៀតណាមបានឱ្យដឹងថា ប្រទេស និងតំបន់ចំនួន ២៦ បានកត់ត្រាការវិនិយោគរបស់វៀតណាមក្នុងឆ្នាំ ២០២៣។ កាណា ដា បាននាំមុខគេជាមួយនឹងទឹកប្រាក់ជាង ១៥០,៣ លានដុល្លារ (៣៥,៧ ភាគរយ) ដែលបន្ទាប់មកគឺសិង្ហបុរី ឡាវ និងគុយបា៕