វិទ្យុជាតិកម្ពុជា: ធីណា​ ឌីណេ​ 

នារាត្រីថ្ងៃទី១៤​ ខែមេសា​ ឆ្នាំ២០២៥​ ដែលជាថ្ងៃទី១នៃពិធីបុណ្យចូលឆ្នាំថ្មីប្រពៃណីជាតិខ្មែរ​ 

ភ្ញៀវទេសចរជាតិអន្តរជាតិ​ជាច្រើនបានបណ្តែតគោមបួងសួង​ ស្ថិតនៅទីតាំងខាងមុខកស្សិណអង្គរ។

ពិធីបណ្តែតគោមបួងសួង គឺជាពិធីមួយដែលមានតាំងពីបុរាណកាលមក ដើម្បីរំឮកគុណ និងសុំខមាទោសពីព្រះម៉ែគង្គារ ដើម្បីឱ្យឧបទ្រពចង្រៃហូរតាមខ្សែរទឹក។ដូច្នេះនៅក្នុងព្រឹត្តិការណ៍អង្គរសង្រ្កាន្តរៀបចំពិធីនេះឡើង ដើម្បីជាការរំលឹក ក៏ដូចជាថែរក្សាប្រពៃណីទំនៀមទម្លាប់ដែលមានតាំងពីយូរលង់ណាស់មកហើយ ព្រមទាំងដើម្បីឱ្យប្រជាពលរដ្ឋខ្មែរមកពីគ្រប់ទិសទីបានចូលរួមបណ្តែតគោម  ដើម្បីបួងសួងសុំសេចក្តីសុខក្នុងឆ្នាំថ្មីផងដែរ។

ក្នុងនោះសង្កេតឃេីញថា​ ប្រជាពលរដ្ឋនិងភ្ញៀវទេសចរ​ បានសរសេរពាក្យក្នុងចិត្ត​ បួងសួង​សុំសេចក្តីសុខ​ និងសម្រេចបំណងប្រាថ្នា​ នៅក្នុងគោមរបស់ខ្លួនមុននឹងបណ្តែត៕