ប្រទេសវៀតណាមស្វែងរកការនាំចេញអង្ករដោយមានតម្លៃខ្ពស់

វិទ្យុជាតិកម្ពុជា កញ្ញា ខៀវ ណាវីន 

អន្តរជាតិ៖ លោក Nguyen Ngoc Nam ប្រធានសមាគមស្បៀងអាហារវៀតណាម បាននិយាយថា ការនាំចេញអង្កររបស់វៀតណាមកំពុងផ្លាស់ប្តូរយ៉ាងខ្លាំងឆ្ពោះទៅរកផលិតផលគុណភាពខ្ពស់ និងពិសេសជាជាងបរិមាណ ជាមួយនឹងចំណូលស្ថិរភាពប្រចាំឆ្នាំពី ៦,២ ទៅ ៦,៣ លានតោនក្នុងឆ្នាំ ២០១៩-២៣។ នេះបើយោងតាមការចេញផ្សាយដោយសារព័ត៍មាន Vietnam Plus។ លោក Nam បាននិយាយថា ការនាំចេញអង្កររបស់វៀតណាមមានចំនួន ៨,៣ លានតោនក្នុងឆ្នាំ ២០២៣ ដែលជាបរិមាណខ្ពស់បំផុតចាប់តាំងពីប្រទេសនេះបានចាប់ផ្តើមនាំចេញអង្ករនៅឆ្នាំ ១៩៨៩ ដែលក្នុងនោះភាគរយនៃតម្លៃខ្ពស់ និងអង្ករពិសេសត្រូវបានកើនឡើងដោយទទួលបានប្រាក់ចំណូលចំនួន ៤,៧ ពាន់លានដុល្លារអាមេរិក កើនឡើង ៣៨,៤%។ "អាស៊ីត្រូវបានគេមើលឃើញថាជាចំណែកទីផ្សារដ៏សំខាន់នៃការនាំចេញអង្កររបស់វៀតណាម ប៉ុន្តែអាមេរិក អឺរ៉ុប មជ្ឈិមបូព៌ា និងអូស្ត្រាលីបានលេចចេញជាអ្នកនាំចូលអង្ករថ្មីរបស់វៀតណាមក្នុងឆ្នាំថ្មីៗនេះ។ លោក Nam បានបន្តថា ប្រទេសហ្វីលីពីនបានក្លាយជាប្រទេសនាំចូលដ៏ធំបំផុត នៅពេលដែលខ្លួនបានកាន់កាប់ចំណែក ៣៤% (២,៨៧ លានតោន) នៃការផ្លាស់ប្តូរការនាំចេញអង្កររបស់វៀតណាមក្នុងឆ្នាំ ២០២៣៕