វិទ្យុជាតិកម្ពុជា កញ្ញា ខៀវ ណាវីន
អន្តរជាតិ៖ ទិន្នន័យផ្លូវការបានបង្ហាញថា ក្នុងខែមករាការលក់ផលិតកម្មរបស់ប្រទេសម៉ាឡេស៊ីបានស្ទុះងើបឡើងវិញ ៣,២ ភាគរយបន្ទាប់ពីបានចុះកិច្ចសន្យាចាប់តាំងពីខែមិថុនា ឆ្នាំ ២០២៣ ដោយសម្រេចបាន ១៥២,៧ ពាន់លានរីងហ្គីត (៣២,៦ ពាន់លានដុល្លារ)។ នេះបើយោងតាមការចេញផ្សាយដោយសារព័ត៌មាន Xinhua។ នាយកដ្ឋានស្ថិតិម៉ាឡេស៊ី (DOSM) បាននិយាយនៅក្នុងសេចក្តីថ្លែងការណ៍មួយថា ការកើនឡើងនេះត្រូវបានជំរុញដោយកំណើនដល់ ១៥,៨ ភាគរយនៅក្នុងការដឹកជញ្ជូន និងអនុវិស័យផលិតកម្មផ្សេងទៀតដោយ ចំណែកការកើនឡើងក្នុងអនុវិស័យអាហារ ភេសជ្ជៈ និងផលិតផលថ្នាំជក់មានចំនួន ១១,៤ ភាគរយ។ ផលិតផលរ៉ែដែលមិនមែនជាលោហធាតុ និងអនុវិស័យផលិតផលដែកបានបន្តកើនឡើងដោយមានចំនួន ៩,៦ ភាគរយ។ បើប្រៀបធៀបទៅនឹងខែមុនតម្លៃនៃការលក់ផលិតកម្មបានកើនឡើង ១,៩ ភាគរយបើធៀបនឹងខែធ្នូ ឆ្នាំ ២០២៣ មានចំនួន ១៤៩,៩ ពាន់លានរីងហ្គីត។ តម្លៃនៃការលក់នៃឧស្សាហកម្មនាំចេញមានចំនួន ៦៩,១ ភាគរយនៃការលក់សរុបដែលបានកើនឡើង ០,១ ភាគរយនៅក្នុងខែមករា៕ (១ រីងហ្គីត ស្មើនឹង ០,២១ ដុល្លារអាមេរិក)
Comments