វិទ្យុជាតិកម្ពុជា កញ្ញា ខៀវ ណាវីន
អន្តរជាតិ៖ Global New Light of Myanmar បានរាយការណ៍ថា ប្រទេសមីយ៉ាន់ម៉ាបានកំណត់គោលដៅក្នុងការរកប្រាក់ចំណូលបានប្រហែល ១៦,៧ ពាន់លានដុល្លារអាមេរិកពីការនាំចេញក្នុងឆ្នាំសារពើពន្ធ ២០២៤-២៥។ នេះបើយោងតាមការចេញផ្សាយដោយសារព័ត៍មាន Xinhua។ របាយការណ៍ប្រព័ន្ធផ្សព្វផ្សាយបាននិយាយថា ប្រទេសមីយ៉ាន់ម៉ា មានគោលបំណងសម្រេចបាននូវតម្លៃនៃការនាំចូលចំនួន ១៦,៣ ពាន់លានដុល្លារក្នុងអំឡុងឆ្នាំសារពើពន្ធដូចគ្នានេះ។ របាយការណ៍ប្រព័ន្ធផ្សព្វផ្សាយបាននិយាយថា អត្រាកំណើនផលិតផលក្នុងស្រុកសរុបសម្រាប់មីយ៉ាន់ម៉ាក្នុងឆ្នាំសារពើពន្ធ ២០២៤-២៥ ត្រូវបានគេប៉ាន់ប្រមាណថាមាន ៣,៨ ភាគរយ ដោយមានប្រហែល ២,៥ ភាគរយដែលរំពឹងថានឹងបានមកពីវិស័យកសិកម្ម៕
Comments