ប្រទេសម៉ាឡេស៊ីរាយការណ៍ពីការឆ្លងថ្មីនៃកូវីដ-១៩ ចំនួន ៩,៨៩០ នាក់និងការស្លាប់មានចំនួន ២៧,០០០ នាក់

វិទ្យុជាតិកម្ពុជា ៖ កញ្ញា ខៀវ ណាវីន
អន្តរជាតិ ៖ ក្រសួងសុខាភិបាល ប្រទេសម៉ាឡេស៊ីបានរាយ ការណ៍ពីការឆ្លងជំងឺកូវីដ-១៩ ចំនួន ៩,៨៩០ នាក់ទៀតគិតត្រឹមពាក់កណ្តាលអធ្រាត្រថ្ងៃព្រហស្បតិ៍ ដែលធ្វើឱ្យចំនួនសរុបកើនឡើងដល់ ២,៣១៣,៧២៧ នាក់ ។នេះបើយោងតាមការចេញ ផ្សាយដោយសារព័ត៌មាន Xinhua ថ្ងៃទី០៨ ខែតុលានេះ។

   ករណីថ្មីចំនួន ១៨ ករណីជាការនាំចូលហើយ ៩,៨៧២ ករណីគឺជាចំនួនអ្នកក្នុងស្រុក ។ ការស្លាប់ចំនួន ១៣២ ផ្សេងទៀតត្រូវបានរាយការណ៍ដែលធ្វើឱ្យចំនួនអ្នកស្លាប់កើនឡើងដល់ ២៧,១១៣ នាក់។ ទន្ទឹមនឹងនេះដែរអ្នកជំងឺ ១២,៨៨៤ នាក់ទៀតត្រូវបានឱ្យចាកចេញបន្ទាប់ពីជាសះស្បើយ ដែលធ្វើឱ្យចំនួនសរុបនៃការជាសះ ស្បើយមានចំនួនរហូតដល់ទៅចំនួន ២,១៥៧,៥៦៥ នាក់។ អ្នកព្យាបាលពេលនេះមានចំនួន ១២៩,០៤៩ នាក់ហើយ ៨២៧ នាក់ទៀតកំពុងត្រូវបានថែទាំយ៉ាងយកចិត្តទុកដាក់និង ៤៤៥ ករណីទៀត កំពុងត្រូវការជំនួយដង្ហើម។ ប្រទេសនេះបានរាយការណ៍ចំនួន ១៩៦, ៦៤៧ ដូស ដែលត្រូវបានគ្រប់គ្រងកាលពីថ្ងៃព្រហស្បតិ៍ ហើយប្រជាជនចំនួន ៧៤,៤ ភាគរយបានទទួលយ៉ាង ហោចណាស់មួយដូសហើយ ៦៤,៣ ភាគរយបានចាក់វ៉ាក់សាំងពេញលេញ៕