ប្រជាជនមូស្លីមរ៉ូហ៊ីងយ៉ាមីយ៉ាន់ម៉ាបានតវ៉ានៅទូទាំងជំរុំជនភៀសខ្លួន ក្នុងប្រទេសបង់ក្លាដែស ដែលជាប្រទេសជិតខាង 

   វិទ្យុជាតិកម្ពុជា កញ្ញា ខៀវ ណាវីន

                   អន្តរជាតិ៖ កាលពីថ្ងៃព្រហស្បតិ៍ ប្រជាជនមូស្លីមរ៉ូហ៊ីងយ៉ាមីយ៉ាន់ម៉ា បានតវ៉ានៅទូទាំងជំរុំជន ភៀសខ្លួន ក្នុងប្រទេសបង់ក្លាដែសដែលជាប្រទេសជិតខាង ចំពេលខួបលើកទីប្រាំនៃការប៉ះទង្គិចគ្នា រវាង ក្រុមបះបោររ៉ូហ៊ីងយ៉ានិងកងកម្លាំងសន្តិសុខមីយ៉ាន់ម៉ា ដែលបានបណ្តេញជនជាតិរ៉ូហ៊ីងយ៉ារាប់សែននាក់ ចេញពីផ្ទះរបស់ពួកគេ។នេះបើយោងតាមការចេញផ្សាយដោយសារព័ត៌មាន Reuters។ជនជាតិរ៉ូហ៊ីងយ៉ាជាងមួយលាននាក់កំពុងរស់នៅក្នុងជំរុំដែលមានភាពច្របូកច្របល់នៅភាគខាងត្បូង ប្រទេសបង់ក្លាដែស ដែលរួមមានកន្លែងតាំងទីលំនៅជនភៀសខ្លួនដ៏ធំបំផុតរបស់ពិភពលោក ជាមួយនឹងក្តី សង្ឃឹមតិចតួចក្នុងការវិលត្រឡប់ទៅកាន់ប្រទេសមីយ៉ាន់ម៉ា ជាកន្លែងដែលពួកគេមិនទទួលបាន សញ្ជាតិ និងសិទ្ធិផ្សេងទៀត។ក្រសួងការបរទេសបង់ក្លាដែសបាននិយាយនៅក្នុងសេចក្តីថ្លែងការណ៍មួយថា "មិនមែនជនជាតិរ៉ូហ៊ីងយ៉ាតែមួយទេ"ដែលមិនទាន់បានត្រឡប់ទៅកាន់ប្រទេសមីយ៉ាន់ម៉ានោះ។ជនភៀសខ្លួនចាប់ពីកុមាររហូតដល់មនុស្សចាស់បានលើកបដា និងស្រែកពាក្យស្លោកនៅទូទាំងជំរុំធំ និងមានមនុស្សជាច្រើនពាក់បូពណ៌ខ្មៅដើម្បីសម្គាល់នូវអ្វីដែលគេហៅថា "ការចងចាំអំពើប្រល័យពូជសាសន៍ រ៉ូហ៊ីងយ៉ា"។នៅលើផ្ទាំងបដាមានដូចជា "ជនភៀសខ្លួនលែងមានជីវិតទៀតហើយ"។ "គ្រប់គ្រាន់គឺគ្រប់គ្រាន់"។"យើងចង់បានសញ្ជាតិ យើងចង់បានយុត្តិធម៌" និង "យើងជាពលរដ្ឋភូមា យើងជាជនជាតិរ៉ូហ៊ីងយ៉ា"៕