តម្លៃ កាហ្វេ និង ម្រេចវៀតណាម បាន ព្យាករណ៍ថា នឹង បន្ត កើនឡើង ដោយសារ កង្វះ ការផ្គត់ផ្គង់

វិទ្យុជាតិកម្ពុជា កញ្ញា ខៀវ ណាវីន

អន្តរជាតិ៖ តម្លៃកាហ្វេ និងម្រេចវៀតណាមត្រូវបានព្យាករណ៍ថា នឹងបន្តកើនឡើងដោយសារតែការផ្គត់ផ្គង់មានកម្រិត ខណៈដែលការនាំចេញផលិតផលទាំងនេះក៏ទទួលបានកំណើនផងដែរ។ នេះបើយោងតាមការចេញផ្សាយដោយសារព័ត៍មាន Vietnam Plus។ យោងតាមក្រសួងកសិកម្ម និងអភិវឌ្ឍន៍ជនបទបានឱ្យដឹងថា វៀតណាមបាននាំចេញកាហ្វេជិត ៦០០,០០០ តោនទៅក្រៅប្រទេសក្នុងត្រីមាសទីមួយនៃឆ្នាំនេះ ដោយទទួលបានប្រាក់ចំណូល ១,៩ ពាន់លានដុល្លារអាមេរិក កើនឡើងត្រឹមតែ ៣% ក្នុងបរិមាណ និងកើនឡើង ៥៤% បើគិតជាតម្លៃពីមួយឆ្នាំទៅមួយឆ្នាំ។ កាហ្វេគឺជាអ្នករកចំណូលពីការនាំចេញធំជាងគេទីពីរក្នុងចំណោមផលិតផលកសិកម្ម នៅពីក្រោយផលិតផលឈើ។ ទាក់ទងនឹងម្រេច ស្ថិតិបឋមរបស់សមាគមម្រេច និងគ្រឿងទេសវៀតណាម (VPSA) បានបង្ហាញថា ក្នុងរយៈពេល ១៦ ថ្ងៃដំបូងក្នុងខែមីនា វៀតណាមបាននាំចេញម្រេចចំនួន ១២,៣៦៨ តោន ដែលមានតម្លៃ ៥៣ លានដុល្លារអាមេរិក។ ក្នុងអំឡុងខែមករាដល់ខែកុម្ភៈ តម្លៃនាំចេញជាមធ្យមគឺ ៤,០២២ ដុល្លារក្នុងមួយតោន កើនឡើង ២៨,៧%។ ក្នុងខែមីនា តម្លៃម្រេចក្នុងស្រុកបានកើនឡើង ពី ៥០០ ទៅ ២០០០ ដុងក្នុងមួយគីឡូក្រាម៕