វិទ្យុជាតិកម្ពុជា កញ្ញា ខៀវ ណាវីន
អន្តរជាតិ៖ ឯកអគ្គរដ្ឋទូតរងរុស្ស៊ីប្រចាំអង្គការសហប្រជាជាតិ (UN) បានឱ្យដឹងថា រុស្ស៊ីមានបំណង កោះប្រជុំក្រុមប្រឹក្សាសន្តិសុខ UN ជាថ្មីម្ដងទៀត ស្ដីពីស្ថានភាពមនុស្សធម៌ក្នុងតំបន់ហ្កាហ្សា និង សង្រ្គាមរវាងអ៊ីស្រាអែល និងក្រុមហាម៉ាស។ នេះបើយោងតាមការចេញផ្សាយដោយសារព័ត៌មាន Reuters។ លោក Dmitry Polyansky ឯកអគ្គរដ្ឋទូតរងរុស្ស៊ីប្រចាំ UN បានបញ្ជាក់ថា "ពិតប្រាកដណាស់ យើងនឹងកោះប្រជុំក្រុមប្រឹក្សាសន្តិសុខថ្មីមួយ ហើយខណៈការអនុវត្តជាក់ស្ដែង បានបង្ហាញថា គ្មាននរណាម្នាក់ក្រៅតែពីយើងដែលហ៊ានធ្វើដូច្នេះទេ"។ ក៏ប៉ុន្តែលោកមិនបានបញ្ជាក់ថា តើរុស្ស៊ីដែលជាសមាជិកអចិន្ត្រៃយ៍ក្រុមប្រឹក្សាសន្តិសុខមួយក្នុងចំណោម ៥ នោះនឹងកោះប្រជុំនៅពេល ណានោះទេ។ គួរបញ្ជាក់ថា រុស្ស៊ីបានកោះប្រជុំក្រុមប្រឹក្សាសន្តិសុខម្ដងរួចហើយ កាលពីថ្ងៃចន្ទសប្ដាហ៍ កន្លងទៅនេះ ប៉ុន្តែដំណោះស្រាយលើបទឈប់បាញ់ស្នើឡើងដោយទីក្រុងម៉ូស្គូមិនត្រូវបានអនុម័តនោះទេ ដោយសារតែមានការជំទាស់ពីសមាជិកក្រុមប្រឹក្សាមួយចំនួន ក្នុងនោះរួមមានទាំងសហរដ្ឋអាមេរិក ដែល បានរិះគន់ ដំណោះស្រាយនេះសម្រាប់ការមិនបានលើកនិយាយពីក្រុមហាម៉ាស៕
Comments