ម៉ាឡេស៊ី អនុម័ត ច្បាប់ ប្រឆាំង ការ ជក់ បារី ក្នុង គោល បំណង ការពារ អនីតិជន

វិទ្យុជាតិកម្ពុជា កញ្ញា ខៀវ ណាវីន

អន្តរជាតិ៖ កាលពីថ្ងៃព្រហស្បតិ៍សភាជាន់ទាបរបស់ប្រទេសម៉ាឡេស៊ីបានអនុម័តច្បាប់ប្រឆាំងការជក់បារីដែលមានគោលបំណងការពារអនីតិជនពីផលិតផលដែលមានជាតិនីកូទីនរួមទាំងឧបករណ៍ស្រូបផ្សែងបារី។ នេះបើយោងតាមការចេញផ្សាយដោយសារព័ត៌មាន Xinhua។ លោកស្រី Zaliha Mustafa រដ្ឋមន្ត្រីសុខាភិបាលបាននិយាយថា ច្បាប់ទាំងនេះរួមបញ្ចូលទាំងការផ្តល់ការហាមឃាត់ការលក់ និងទិញផលិតផលថ្នាំជក់ សម្ភារៈជក់បារី ឬផលិតផលជំនួសថ្នាំជក់ និងការផ្តល់សេវាណាមួយទាក់ទងនឹងការជក់បារីដល់អនីតិជន។ លោកស្រីបានបន្តថា ទង្វើដែល បានស្នើឡើងនឹងគ្រប់គ្រងប្រភេទផលិតផលថ្នាំជក់ចំនួន ៣ ប្រភេទ ទី១ ថ្នាំជក់កែច្នៃ ឬថ្នាំជក់ណាមួយដែលមានផលិតផលដែលត្រូវបានរចនាឡើងសម្រាប់ការប្រើប្រាស់ ទី២ ការរួមផ្សំនៃសារធាតុដែលប្រើសម្រាប់ការជក់បារី រួមមាននីកូទីន ប្រូភីលីន គ្លីសេរីន និងទ្រីអេទីឡែន (រកឃើញនៅក្នុង e-cigarettes) និងទី៣ ជំនួសផលិតផលថ្នាំជក់ដែលមានសមត្ថភាពដូចជក់បារី។ បទប្បញ្ញត្តិដែលហាមប្រាមការផ្សាយពាណិជ្ជកម្ម ការផ្សព្វផ្សាយ និងការឧបត្ថម្ភផលិតផលថ្នាំជក់ ដែលចូលជាធរមានក្រោមច្បាប់ដែលមានស្រាប់ ឥឡូវនេះត្រូវបានពង្រីកទៅគ្រប់ផលិតផលទាំងអស់ រួមមាន បារីអេឡិចត្រូនិក ផលិតផលថ្នាំជក់ សារធាតុជក់បារី និងផលិតផលថ្នាំជក់ជំនួស៕