វៀតណាមរកចំណូលបាន ១,៤៣ ពាន់លានដុល្លារពីការនាំចេញអង្ករក្នុងត្រីមាសទី ១

វិទ្យុជាតិកម្ពុជា កញ្ញា ខៀវ ណាវីន

អន្តរជាតិ៖ ក្នុងត្រីមាសទីមួយនៃឆ្នាំ ២០២៤ វៀតណាមបាននាំចេញអង្ករចំនួន ២,១៨ លានតោន ទទួលបានប្រាក់ចំណូល ១,៤៣ ពាន់លានដុល្លារអាមេរិក កើនឡើង ១៧,៦% ក្នុងបរិមាណ និង ៤៥,៥% គិតជាតម្លៃពីមួយឆ្នាំទៅមួយឆ្នាំ ទន្ទឹមនឹងនេះតម្លៃអង្ករនាំចេញជាមធ្យមកើនឡើង ២៣,៦% ដល់ ៦៥៣,៨ ដុល្លារក្នុងមួយតោន។ នេះបើយោងតាមការចេញផ្សាយដោយសារព័ត៌មាន Vietnam Plus។ យោងតាមស្ថិតិបឋមរបស់អគ្គនាយកដ្ឋានគយបានឱ្យដឹងថា ក្នុងខែមីនា ឆ្នាំ ២០២៤ ការនាំចេញអង្កររបស់វៀតណាមបានកើនឡើង ៩៩,៧% ក្នុងបរិមាណ និង ៩០% ជាចំណូលបើធៀបនឹងខែកុម្ភៈ ឆ្នាំ ២០២៤ កើនឡើងដល់ជាង ១,១២ លានតោនដែលមានចំនួន ៧០៩,៦ លានដុល្លារ។ ហ្វីលីពីនគឺជាទីផ្សារនាំចេញអង្ករវៀតណាមដ៏ធំបំផុតក្នុងរយៈពេលបីខែដំបូងនៃឆ្នាំ ២០២៤ ក្នុងចំនួន ១,០១ លានតោន ដែលមានតម្លៃប្រហែល ៦៤៩ លានដុល្លារ។ ការនាំចេញអង្ករទៅកាន់ប្រទេសឥណ្ឌូណេស៊ីជាប់ចំណាត់ថ្នាក់លេខ ២ កើនឡើងក្នុងប្រាក់ចំណូល ៤៤៥,៣២៦ តោន និង ២៨៥,០៦ លានដុល្លារ។ ទីផ្សារធំទី 3 គឺប្រទេសម៉ាឡេស៊ី ដែលមានកំណើនក្នុងការនាំចេញចំនួន ៩៨,៩១៧ តោន និង ៦១,៥៥ លានដុល្លារ៕