វៀតណាម រកចំណូលបាន ជិត ២ ពាន់ លានដុល្លារ ក្នុងការ នាំ ចេញ ជលផល

វិទ្យុជាតិកម្ពុជា កញ្ញា ខៀវ ណាវីន

អន្តរជាតិ៖ យោងតាមសមាគមអ្នកនាំចេញ និងផលិតគ្រឿងសមុទ្រវៀតណាម (VASEP) បានឱ្យដឹងថា ការនាំចេញជលផលរបស់វៀតណាមទទួលបានប្រាក់ចំណូលជិត ២ ពាន់លានដុល្លារ ពីខែមករាដល់ខែ មីនា ដែលកើនឡើង ៨%។ នេះបើយោងតាមការចេញផ្សាយដោយសារព័ត៍មាន Vietnam Plus។ ក្នុងអំឡុងពេលនេះប្រទេសវៀតណាមបាននាំចេញបង្គាជាង ៦៩០ លានដុល្លារអាមេរិក កើនឡើង ១៥% ខណៈរកចំណូលបានជិត ៤២៤ លានដុល្លារ កើនឡើង ០,៤%, និង ២២០ លានដុល្លារពីត្រីប្រា ដែលកើនឡើង ២២,២% និងជាង ៤៧ លានដុល្លារពីការនាំចេញត្រីធូណា និងក្តាមដែលកើនឡើងជិត ៦០%។ អ្នកជំនាញបាននិយាយថា ចាំបាច់ត្រូវស្វែងរកអតិថិជនថ្មីតាមរយៈពិព័រណ៍ និងពិព័រណ៍ជលផល អន្តរជាតិនៅសហរដ្ឋអាមេរិក អឺរ៉ុប ជប៉ុន និងសាធារណរដ្ឋកូរ៉េ សម្រាប់ការងើបឡើងវិញឱ្យកាន់តែ ប្រសើរ។ លោកស្រី Nguyen Thi Thu Sac ប្រធាន VASEP បានស្នើឱ្យសហគមន៍ធុរកិច្ចជលផល និងទីភ្នាក់ងាររដ្ឋចូលរួមសហការជំរុញការនាំចេញទៅកាន់ទីផ្សារប្រពៃណី និងសក្តានុពលនានា ដូចជា ប្រទេសឥណ្ឌា មជ្ឈិមបូព៌ា និងអាស៊ាន៕