អ៊ីស្រាអែល បញ្ជាក់ ពី ការ បន្ត បទ ឈប់ បាញ់ ជាមួយ ក្រុម ហាម៉ាស

វិទ្យុជាតិកម្ពុជា កញ្ញា ខៀវ ណាវីន

អន្តរជាតិ៖ មន្ត្រីប៉ាឡេស្ទីន និងអ៊ីស្រាអែល បាននិយាយនៅក្នុងសេចក្តីថ្លែងការណ៍ថា ក្រុមហាម៉ាស់ និងអ៊ីស្រាអែលបានយល់ព្រមបន្តបទឈប់បាញ់មនុស្សធម៌របស់ពួកគេនៅក្នុងតំបន់ហ្គាហ្សាស្ទ្រីប។ នេះបើយោងតាមការចេញផ្សាយដោយសារព័ត៌មាន Xinhua។ បើ យោង តាម សេចក្តី ថ្លែងការណ៍ របស់ ក្រុម ហាម៉ាសបានឱ្យដឹងថា បទ ឈប់ បាញ់ ដែល គ្រោង នឹង ផុត កំណត់ កាលពីព្រឹក ថ្ងៃ ព្រហស្បតិ៍នេះ នឹង ត្រូវ បន្ត មួយ ថ្ងៃ បន្ថែម ទៀត ។ ហាម៉ាសបាននិយាយនៅក្នុងសេចក្តីថ្លែងការណ៍មួយផ្ញើទៅកាន់ស៊ីនហួថា "តាមរយៈអ្នកសម្របសម្រួលរបស់យើង យើងបានយល់ព្រមបន្តបទឈប់បាញ់មួយថ្ងៃទៀត"។ កងកម្លាំងការពារអ៊ីស្រាអែល (IDF) បានបញ្ជាក់កាលពីព្រឹកថ្ងៃព្រហស្បតិ៍ថា បទឈប់បាញ់ជាមួយក្រុមហាម៉ាសនៅតំបន់ហ្គាហ្សាស្ទ្រីប នឹងត្រូវបន្ត។ លោក Avichai Adraee អ្នកនាំពាក្យកងទ័ពអ៊ីស្រាអែល បាននិយាយនៅក្នុងសេចក្តីថ្លែងការណ៍មួយថា "បានផ្តល់កិច្ចខិតខំប្រឹងប្រែងរបស់អ្នកសម្របសម្រួលដើម្បីបន្តដំណើរការដោះលែង និងស្របតាមលក្ខខណ្ឌនៃកិច្ចព្រមព្រៀង រយៈពេលបទឈប់បាញ់មនុស្សធម៌បណ្តោះអាសន្ននឹងត្រូវបន្ត"។ លោកបានបន្ថែមថា ក្រុមហាម៉ាស "នឹងប្រគល់បញ្ជីថ្មី" នៃឈ្មោះចំណាប់ខ្មាំង ដែលត្រូវដោះលែងតាមកិច្ចព្រមព្រៀង៕