សកម្មភាពផលិតកម្មរបស់ប្រទេសម៉ាឡេស៊ីនឹងមានភាពប្រសើរឡើងក្នុងរយៈពេលដ៏ខ្លី

វិទ្យុជាតិកម្ពុជា កញ្ញា ខៀវ ណាវីន

អន្តរជាតិ៖ ប្រទេសម៉ាឡេស៊ីបានរំពឹងថា សកម្មភាពផលិតកម្មរបស់ប្រទេសនឹងមានភាពប្រសើរឡើងក្នុងរយៈពេលដ៏ខ្លីបន្ទាប់ពីសន្ទស្សន៍អ្នកគ្រប់គ្រងការទិញរបស់ S&P Global Malaysia (PMI) បានកើនឡើងដល់កម្រិតខ្ពស់ដែលមាន ៤៧,៩ នៅក្នុងខែវិច្ឆិកា។ នេះបើយោងតាមការចេញផ្សាយដោយ សារព័ត៌មាន Xinhua។ Kenanga Research បាននិយាយនៅក្នុងកំណត់ត្រាមួយថា ការធ្លាក់ចុះនៃសកម្មភាពផលិតកម្មរបស់ប្រទេសម៉ាឡេស៊ីអាចនឹងឈានដល់កម្រិតទាប ហើយត្រូវបានគេរំពឹងថា នឹងមានភាពប្រសើរឡើងបន្តិចម្តងៗក្នុងរយៈពេលដ៏ខ្លីខាងមុខនេះ។ ការកើនឡើងនាពេលថ្មីៗនេះនៅក្នុង PMI ផលិត កម្មរបស់ប្រទេសម៉ាឡេស៊ី បង្ហាញពីការងើបឡើងវិញដែលអាចកើតមាននៅក្នុងវិស័យផលិតកម្ម ខណៈដែលសន្ទុះវិជ្ជមាននឹងបន្តដល់ឆ្នាំ ២០២៤។ វាត្រូវបានចាត់ទុកថាជាផ្នែកមួយដោយសារការកើនឡើងសក្តានុពលនៅក្នុងវិស័យបច្ចេក វិទ្យា និងការស្ទុះងើបឡើងវិញបន្តិចម្តងៗរបស់ប្រទេសចិន ដែលទាំង ពីរនេះត្រូវបានរំពឹងថា នឹងរួម ចំណែកដល់ការធ្វើឱ្យប្រសើរឡើងនៃដំណើរការនាំចេញរបស់ម៉ាឡេស៊ីឆ្ពោះទៅមុខ។ កំណើនផលិតផលក្នុងស្រុកសរុប (GDP) របស់ប្រទេសម៉ាឡេស៊ីនឹងបន្តកើនឡើងក្នុងត្រីមាសចុងក្រោយក្នុងឆ្នាំនេះ ដោយឈានដល់ ៣,៧ ភាគរយ៕