មកដល់ពេលនេះប្រទេសថៃ ទទួលបានភ្ញៀវទេសចរបរទេសជាង ១០ លាននាក់

វិទ្យុជាតិកម្ពុជា កញ្ញា ខៀវ ណាវីន

អន្តរជាតិ៖ ក្រសួងទេសចរណ៍ និងកីឡារបស់ប្រទេសថៃបានរាយការណ៍ថា ភ្ញៀវទេសចរបរទេសជាង ១០ លាននាក់បានមកទស្សនាប្រទេសថៃក្នុងឆ្នាំនេះ ដោយនាំមកនូវប្រាក់ជាង ៥០០ ពាន់លានបាត (១៣,៥ ពាន់លានដុល្លារ)។ នេះបើយោងតាមការចេញផ្សាយដោយសារព័ត៌មាន Vietnam Plus។ យោងតាមទិន្នន័យបានឱ្យដឹងថា ចាប់ពីថ្ងៃទី ១ ខែមករា ដល់ថ្ងៃទី ១៤ ខែមេសា ប្រទេសថៃបានស្វាគមន៍ភ្ញៀវបរទេសសរុបចំនួន ១០,៧២៣,៩៥៣ នាក់ ដែលបង្កើតប្រាក់ចំណូលចំនួន ៤១៨ ពាន់លានបាត។ ជនជាតិចិនជាភ្ញៀវបរទេសមានជាង ២ លាននាក់ បន្ទាប់មកម៉ាឡេស៊ី ១,៣៩ លាននាក់ រុស្ស៊ី ៦៩៥,៦២៣ នាក់ សាធារណរដ្ឋកូរ៉េ ៦១៩,១៨៧ នាក់ និងឥណ្ឌា ៥៤៦,៩៣៥ នាក់។ លោក Sudawan Wangsuphakijkosol រដ្ឋមន្ត្រីក្រសួងទេសចរណ៍ និងកីឡាបាននិយាយថា ចំនួនភ្ញៀវបរទេសត្រូវបានគេរំពឹងថានឹងបន្តកើនឡើងដោយសារតែកត្តាដូចជាការបញ្ចប់នៃបុណ្យរ៉ាម៉ាដាន ដែលមនុស្សជាច្រើនបានព្យាករណ៍ថានឹងមានការកើនឡើងនៃភ្ញៀវទេសចរមកពីប្រទេសម៉ាឡេស៊ី ក៏ដូចជាកិច្ចព្រមព្រៀងឥតគិតថ្លៃជាមួយប្រទេសមួយចំនួន៕